نێچيرڤان بارزانى، سهرۆكێ ههرێما كوردستان ئەڤرۆ ل ئهنقهره ل گەل ڕهجهب تهييب ئهردۆگان، سهرۆككۆمارێ توركيا كۆمبوو.
د كۆمبوونێدا، دووپات ل پێشڤەبرنا پەیوەندییێن توركیا ل گەل عیراق و هەرێما كوردستانێ ب تایبەتی د بیاڤێ ئابووریدا كر، چەوانییا بلندكرنا ئاستێ ئالوگۆرییا بازرگانی و دەرفەتێن كار و وەبەهێنانێ و سەرمایەگوزارییا توركیا ل دەڤەرێن جودا یێن عیراق و هەرێما كوردستانێ گوتۆبێژكر.
سهرۆككۆمارێ توركيا، بهردهوام هاریكاری و پشتەڤانییا وەلاتێ خۆ بۆ عیراق و ههرێما كوردستانێ و هاريكاريیا هەڤپشكا دناڤبەرا ههمی بیاڤاندا دووپاتكر، ههروهسا ئامادهی و خواستا كهرتێ تايبهت یا وەلاتێ خۆ بۆ كار و وهبهرهێنانێ د بیاڤ و كهرتێن جودادا نيشاندا.
د تەوەرەكێ دی یێ كۆمبوونێدا، ههردوولایان نيگهرانيیا خۆ ل دۆر ئالۆزيیێن ڕەوشا ڕۆژههلاتا ناڤهڕاست و مهترسى و ئهگهرێ ئاریشەیێن ب سهر دەڤەرێ دیاركر، هەروەسا هەردوولا دهەڤڕا بوون كو پێدڤییە ههمی كار بكهن بۆ هندێ ڕێكێ ل بەلاڤبوونا زێدەتر یا ئالۆزييان بگرن و ئاریشەیان ب ئاشتيانه چارهسهر بكەن.
