پێشەوا هەورامانی: كۆمبوونێن دگەل سوودانی دێ ئەنجامێن باش هەبن

پێشەوا هەورامانی، پەیڤدارێ حکومەتا هەرێما کوردستانێ ڕاگەهاند، گرنگیپێدانا سەرۆکوەزیرێن عیراقێ بۆ چارەسەركرنا ئاریشەیان دگەل حکومەتا هەرێما کوردستانێ پێنگاڤەكا باش و ئەرێنییە، د گەشبینن كۆمبوونێن ئەڤرۆ ئەنجامێن باش هەبن.

پەیڤدارێ حکومەتا هەرێمێ دیاركر، كۆمبوونا مەسرور بارزانی دگەل سوودانی نێزیكی دەمژمێرەكێ ڤەكێشا و چەندین بایەتێن گرنگ هاتنە بەحسكرن، ژ وان ژی؛ بابەتێن مووچەی كو ژ هەمی ئاریشەیێن دی بهێتە جوداكرن و سەرۆكوەزیرێن عیراقێ دووپات كر، كو هەرێما كوردستانێ دێ پشكەك بیت ژ هەمواركرنا بودجەی.

پێشەوا هەورامانی گۆت ژی، د كۆمبوونێدا مەسرور بارزانی دووپاتی ل هندێ كریە كو مووچە مافێ وەلاتییێن هەرێما كوردستانێیە، هەروەسا د بەرمبەردا یا د شیانا حكومەتا هەرێما كوردستانێدا بیت دێ كەت.