<h2 style="text-align: justify;"><strong><span style="font-size: 14pt;">پەیڤدارێ فەرماندەیێ گشتی یێ هێزێن چەکدارێن عیراقێ دیارکر، سنوورێن عیراق و سووریا ب تمامی د پاراستینە و هێزێن وان د ئامادەباشییێ دانە بۆ هەر ئەگەرەکێ نە خواستی و ئەگەر گرۆپێن چەکدارێن سووریا نێزیکی عیراقێ ببن دێ ب دژواری بەرسڤا وان دەین.</span></strong></h2> <h2 style="text-align: justify;"><span style="font-size: 14pt;">ئەڤرۆ شەمبی 30ـی چریا دووێ 2024ـێ، لیوا یەحیا ڕەسوول، پەیڤدارێ فەرماندەیێ گشتی یێ هێزێن چەکدارێن عیراقێ ڕاگەهاند، گڕۆپێن چەکدارێن سووریا دەست ب کۆمەکا هێرشان کریە و هندەک دەڤەرێن پارێزگەها حەلەبێ کۆنترۆلکرینە، ئەڤەژی پەیامەکا گەلەک نەرێنیە، هێزێن چەکدارێن عیراقێ هەمی ڕێکارەک بجهئیناینە بۆ پاراستنا سنوورێن عیراقێ دگەل سووریا.</span></h2> <h2 style="text-align: justify;"><span style="font-size: 14pt;">پەیڤدارێ فەرماندەیێ گشتی یێ هێزێن چەکدارێن عیراقێ گۆت:"بۆ پاراستنا سنوووران، مە دگەل سووریا کۆمەکا ڕێکارێن خۆ پارێزییێ بجهئیناینە و ژ وانژی، لێدانا خەندەکا، ب ڕێکا تاوەر و کامیرەیا مە شیایە دەڤەرا سنووری کۆنترۆل بکەین، هەروەسا ئەم پشتبەستنێ ل سەر هەوالگێرییێ دکەین ژ بۆ کو ڕێگرییێ ل ئەوان گڕۆپان بکەین".</span></h2> <h2 style="text-align: justify;"><span style="font-size: 14pt;"> هەدەم یەحیا ڕەسوول ئاماژەکر،"ئەگەر گرۆپێن چەکداری یێن سووریا نێزیکی عیراقێ ببن دێ ب دژواری بەرسڤا وان دەین، دەستێ مە دگەهیتە هەمی جهان ل سنووران، هەر کەسەکێ هێرشی عیراقێ بکەت، دێ ب دژواری ل بەرامبەر ڕاوستین".</span></h2>
