تهیف سامی، وهزیرا دارایی یا ئیراقێ ڤێ حهفتیێ دێ بریارێ سهبارهت هنارتنا پارهی بۆ موچێن مههێن 11 و 12 دهت، بزاڤ بۆ وێ چهندێ نه بهری سهری سالێ دهست ب بهلاڤكرنا مووچێ مهها 11 بهێته كرن.
بریاره سوبههی شاندێ حكومهتا ئیراقێ ڤهگهریته بهغدا كو ماوێ چهند رۆژانه ل ههرێمێ، ههروهسا شاندهكێ وهزارهتا دارایی و ئابووری یێ ههرێمێ سوبههی دێ چیته بهغدا و دێ ل گهل وهزارهتا دارایی راپۆرتا هاتیه بهرههڤكرن ب ئارمانجا ب دووماهی هاتنا كێشێن تهكنیكی شرۆڤه كهن.
پێشتر وهزارهتا دارایی یا ئیراقێ پارێ مووچێ مههێن 10 و 11 ب كێم و كاسی ڤه هنارت و نێزیكی 600 ملیار دینار ژێ دكێم بوون، لهوما دهست ب دابهشكرنا مووچێ مهها 11 نههاتیه كرن، ئهگهر ڤێ حهفتیێ پاره بهێنه هنارتن، بهری سهرێ سالێ موچه دێ هێته دابهشكرن، سهبارهت موچێ مهها 12 ژی تانوكه هیچ تشتهك روون نهبوویه.
