بەری هەمیان دهێتە دەوامێ و پشتی هەمیان دەردكەڤیت، زێدەتر ژ دوو سالانە ب كەیفا خۆ پاران ژ سندوقێ دكێشت،
دوماهی جار 198 ملیون دینار ژ قاسێ كێشاینە، بەلێ ڤێ جارێ كەشف بوو.
چیرۆكا كێمكرنا پارێ قاسێ و گرتنا کارگۆزارێ فەرمانبەر چەوا بوو؟
ژێدەرەكێ تایبەت شێوێ ئاشكراكرنا ڤی كەیسێ گەندەلیێ بۆ ئاژانسا خانی ئاشكرا كر و گۆت: ل رێڤەبەریەكا قەزا بەردەرەش ئەڤ گەندەلیە هاتیە كرن، ڤێ رێڤەبەریێ وەكو هەمی رێڤەبەریان جەردا هەیڤانە ئەنجام ددەن، بەلێ یا سەیر پارێ د قاسێ دا هەیڤ بۆ هەیڤ ل كێمیێ ددا، دەست ب ڤەكۆلینێ كرن چ سەرەداڤ ب دەست نەكەڤتن، چونكە رێڤەبەری یا بێ كامیرە بوو، پشتی ڤێ چەندێ كامیرەكا چاڤدێرییێ ب نهێنی بۆ ژوورا قاس لێ هاتە دانان و ڤێ جارێ وەكو هەیڤا 14شەڤی دیار بوو کو کارگۆزارێ وان دەمژمێرەکێ بەری هەمیان یێ دهێتە دەوامێ و پشتی هەمیان یێ دەردکەڤیت و دووماهی جار گەلەك ب رەحەتی 198 ملیون دینار برینە.. نوكە كەیس ل دادگەهێ یە و دیار بوویە زێدەتر ژ دوو سالانە ب ڤی كاری رادبیت و چاڤەرێی بڕیارا دادگەهـێ یە.
