زێدەتری چار هزار و 600 خانییێن زێدەگاڤی دێ هێنە تاپۆكرن

بەرپرسێ ڕاگەهاندنا سەرۆكایەتییا باژێرڤانییا دهۆكێ دیاركر، ئەو كەسێن هەتا 9/9/2024ێ مامەلەیێن تابۆكرنا خانییێن خۆ یێن زێدەگاڤی پێشكێشكرین، خانییێن وان دێ بۆ هێنە تاپۆكرن.

ئیسماعیل مستەفا بەرپرسێ ڕاگەهاندنا سەرۆكایەتییا باژێرڤانییا دهۆكێ بۆ ئاژانسا خانی ئاشكراكر، ل دووڤ نڤیسارا وەزارەتا باژێرڤانییێ ئەوا ل 15ی هەیڤا بووری گەهشتییە وان، ئەو كەسێن هەتا 9/9/2024ێ مامەلەیێن تاپۆكرنا خانییێن خۆ یێن زێدەگاڤی پێشكێشكرین، خانییێن وان دێ بۆ هێنە تاپۆكرن.

سەبارەت ژمارەیا مامەلەیان دیاركر، 3504 مامەلە ژ باژێرڤانییا ڕۆژهەلات و 1100 ژ ڕۆژئاڤا گەهشتینە وان، ئەو مامەلەیە هەموو دێ هێنە تمامكرن و خانییێن وان هێنە تاپۆكرن.