چەند رۆژن ل سنوورێ سلێمانییێ هژمارەكا فەرمانبەران مانگرتن كرییە” داخوازییێن رەوا یێن فەرمانبەر و تەخ و چینێن هەرێما کوردستانێ هەردەم د خشتێ کارێن پێشییێ یێن حکومەتا هەرێما کوردستانێ دانە و ژبەر ڤێ چەندێ ب بەردەوامی ل گەل حکومەتا فیدرالی ل بەغدا کار بۆ بدەستڤەئینانا وان کرییە و هەتا رادەكێ باش بەرەڤ پێشچوون هەیە و ب هەماهەنگی ل گەل بەغدا د بزاڤێن چارەسەرکرنا بابەتەتێن هەلاویستی داینە.
هەروەسا کۆمەكا کەس و لایەنێن ژ دەرڤە و ناڤخۆیی ل عێراقێ وان دڤێت ئەوان داخوازییان ب کاربینن ب مەرەما گومانێن خۆ و هندەك لایەنێن پاشکۆ، لایەنێن ژ قانوونێ دەركەفتین ، پ. ک. ک. و کەسێن دیتر مفایی ژ وێ دەرفەتێ وەردگرن و نییەت هەیە بۆ شێواندنا ئاسایشا دەڤەرێن دیتر یێن هەرێمێ و بکار بینن و ب ڤێ چەندێ داخوازییێن رەوا یێن فەرمانبەران تێکەلی مەرامێن خۆ دکەن” زێدەباری رێزگرتنێ ل مافێن خۆنیشانێ، هەر بزاڤەك بۆ تێکدانا ئاسایشا هەرێما کوردستانێ دێ رێگری لێ هێتە کرن و هەر بزاڤەكا ڤەدەر ژ قانوون و رێنماییان بیت رێك پێناهێتە دان.
