عامر حەسەن” سەرۆكێ شاندێ یانا دهۆك” بۆ یاریا تەپا مێزێ” ل باژێرێ كرمانشانێ ل ئیرانێ” بۆ ئاژانسا خانی دیار كر: مە وەكو تیما یانا دهۆك یا تەپا مێزێ پشكداری د قارەمانییا كرمانشانێ یا نێڤدەولەتی دا ل وەلاتێ ئیرانێ بۆ تەپا مێزێ دا كرییە” یاریا ئێكێ یا تیما مە ل گەل سەلتەنەت عومان بوویە و مە سەركەفتن ل سەر تۆمار كرییە” د سیستەمێ ڤێ قارەمانییێ دا” هەر گرۆپەك پێنج تیمن و د هەر گرۆپەكێ دا سێ تیم سەردكەڤنە قووناغا دووێ” ئەو تیما پتر خالان تۆمار بكەت د ڤێ قارەمانییێ دا” ئەو تیم دێ ب ناسناڤێ وێ قارەمانیێ هێتە هەلبژارتن.
ناڤهاتی گۆت ژی: ژ هەرێما كوردستانێ سێ یانان پشكداری د وێ قارەمانییێ دا كرییە” ئەو ژی تیمێن دهۆك و هەولێر و سلێمانیێ نە” هەرووسا 25 تیمان ژ حەفت وەلاتان پشكداری د وێ قارەمانییێ دا كرییە” ئەڤ قارەمانیە بۆ دەمێ 5 رۆژان دێ یا بەردەوام بیت” هەروەسا راهێنەرێ تەپا مێزێ یێ یانا دهۆكێ” نزار فەرەج عەلی یە و چار یاریكەرێن تەپا مێزێ یێن یانا دهۆكێ پشكداری د وێ قارەمانییێ دا كرییە.
