سكرێ دهۆكێ: ئەگەر باران نه‌هێن دێ ل هاڤینێ كارتێكرن ل سه‌ر سكرێ دهۆكێ هه‌بیت

فه‌رهاد محه‌مه‌د تاهر ڕێڤه‌به‌رێ سكرێ دهۆكێ بۆ ئاژانسا خانى ڕاگه‌هاند، پار هه‌تا ڤى ده‌مى 455 ملم بارانێ ل پارێزگه‌ها دهۆكێ هاتبوون و ئه‌ڤساله‌ ب تنێ 54 ملم بارانێ بارینه‌، ئه‌و پێشبینى دكه‌ن د هه‌یڤا بهێتدا باران بهێن لێ ئەگەر باران نه‌هاتن، د وه‌رزێ هاڤینێدا دێ كارتێكرن ل سه‌ر سكرێ دهۆكێ هه‌بیت.

ڕێڤه‌به‌رێ سكرێ دهۆكێ گۆت: ژبه‌ركو پار بارانێن باش ل دهۆكێ بارى بوون ئه‌ڤساله‌ ڕێژا ئاڤێ د كوگه‌هاندا باشتره‌ ژبه‌ركو د وه‌رزێن دیدا ئابوورى د ئاڤێدا هاتبووكرن و ئاڤ ب هه‌ده‌ر نەچوویە، سكرێ دهۆكێ شیانێن هه‌لگرتنا 52 ملیۆن لیترێن سێجا یێن ئاڤێ هه‌نه‌، د نوكه‌دا 40 ملیۆن لیترێن سێجا یێن ئاڤێ تێدا هه‌نه‌.