<h2 style="text-align: justify;"><span style="font-size: 14pt;">ئێڤاریا ئەڤرۆ شەمبی 25 شوباتا 2025ــێ نێچیرڤان بارزانی، سەرۆکێ هەرێما کوردستانێ، د بەردەوامییا دیدار و کۆمبوونێن خۆ دا ل کۆنفڕانسێ ئاسایشا میونشن، دگەل شاندەکێ پەرلەمانێ ئەڵمانیا (بوندستاگ) ب سەرۆکایەتییا یۆهان ڤادیپول، جێگرێ سەرۆکێ فراکسیۆنا پەرلەمانێ حزبێن ئێکەتیا دیمۆکرات مەسیحی (CDU) و ئێکەتیا جڤاکی یا مەسیحی (CSU)، کۆمبوو.</span></h2> <h2 style="text-align: justify;"><span style="font-size: 14pt;">د کۆمبوونێدا سهرۆك نێچيرڤان بارزانى سوپاسىا هاریكاری و پشتەڤانییا بهردهوام یا سياسى، ئهمنى، سهربازى و مرۆڤی یا ئهڵمانيا بۆ ههرێما كوردستانێ كر و ڕۆناهی خستە سەر ڕۆلێ دیار یێ ئەڵمانیا بۆ دابینکرنا پێدڤییێن گرنگ یێن سەربازی ولۆجستی بۆ پێشمەرگەی ل شەڕێ دژی داعش، هەروەسا سوپاسییا پەرلەمانێ ئەڵمانیا کر بۆ درێژکرنا ئەرکێ هێزێن ئەڵمانییا ل هەرێما کوردستانێ.</span></h2> <h2 style="text-align: justify;"><span style="font-size: 14pt;">ژ لایێ خۆ ڤە، ئەندامێن شاندێ پەرلەمانی، پێگیربوونا ئەڵمانیا بۆ بەردەوامییا پشتەڤانییا عیراقێ و هەرێما کوردستانێ دووپاتکر، هەروەسا ئاماژە ب گرنگییا بەردەوامییا هەڤپشک بۆ بەرهەنگاربوونا مەترسییێن ئەمنی و بهێزخستنا هاریکارییێ د کەرتێن گرنگدا کر.</span></h2>
