پەیڤدارێ کۆمسیۆنا بلندا سەربەخۆیا ھەلبژارتنان ل ئیراقێ، ئەگەرێن پاشخستنا ھەلبژارتنێن پێشوەخت یێن پەرلەمانێ وەلاتی ئاشکرا دکەت.
جومانە گولای، پەیڤدارێ کۆمسیۆنێ بۆ میدیایێن ئیراقی راگەھاندییە، کۆمسیۆن ئامادەبوو بۆ ئەنجام دانا ھەلبژارتنان د دەمێ دیارکری دا، بەلێ ئەو دەمێ نوویێ ھاتییە دیارکرن بۆ پشکدارییەکا بەرفرەھترە.
ھەروەسا راگەھاندیە ژی، سێ ھۆکار ھەبوون ل پشت داخوازا کۆمسیۆنێ ژ حکومەتێ بۆ ئەنجامدانا ھەلبژارتنان ل ١٦-١٠-٢٠٢١ێ کو ئەو ژی پیکھاتینە ژ:
١-نەبوونا دادگەھا بلندا فیدرال
٢-دەلیڤە بۆ کارمەندێن دەولەتێ بھێتەدان بۆ نووکرنا زانیاریێن خۆ ل کۆمسیۆنێ.
٣-خۆ تۆمارنەکرنا لایەن و ھەڤپەیمانی یێن سیاسی.
سێشەمبی ١٩-١-٢٠٢١ێ، جڤاتا وەزیرێن ئیراقێ ب ئامادەبوونا ئەندامێن کۆمسیۆنا بلندا ھەلبژارتنێن ئیراقێ، بریار دا ھەلبژارتنێن پێشوەخت یێن ئیراقێ بۆ ١٠-١٠-٢٠٢١ێ بھێنە پاشخستن.
پێشتر ژی مستەفا کازمی سەرۆک وەزیرێن ئیراقێ رۆژا ٦-٦ ٢٠٢١ێ بۆ ئەنجامدانا ھەلبژارتنێن پێشوەخت یێن پەرلەمانێ ئیراقێ دیار کربوو، بەلێ پشکەک ژ سەرکردە و لایەنێن سیاسی یێن ئیراقێ بەحسێ وێ چەندێ کرییە، کو ھەلبژارتن د وی دەمێ دیارکری دا ناھێنە کرن.
