مەکتەبا سیاسییا پارتی دیموکراتی کوردستان، ب هەلكەفتا سالڤەگەرا 55 ێ یا ڕێککەفتنناما 11ـی ئادارا 1970 ێ” په‌یامەك بەلاڤكرییە و تێدا هاتییە، دەستپێكرنا شۆرەشا مەزنا ئیلۆنێ” ل وی سەردەمێ دژوار دا وەکو ڕوودانەكا گرنگ ڕۆل و سەنگێ بزاڤا ڕزگاریخواز بۆ قووناغەكا سیاسی یا پێشکەفتیتر ڤەگوهاست و شییا چەندین دەستکەفتێن گرنگ و دیرۆكی ب دەسڤە بینیت” ژ وان ژی ڕێککەفتنناما 11ـی ئادارا 1970 ێ.
د په‌یاما مەکتەبا سیاسییا پارتی دیموکراتی کوردستان دا هاتییه، “ئەوێ ڕێککەفتننامێ کاریگەرییەكا زۆر هەبوو ل سەر بزاڤا ڕزگاریخوازی و نەتەوەیی و نیشتمانی یا مە، هەم وەکو دۆکیۆمێنتەكا سیاسی و یاسایی هاتە نیاسین و هەم ژی ژبەر هندێ ئێکەم جار بوو حکومەتا عێراقێ بهێتە نەچار کرن دانپێدانێ ب مافێن سیاسی و نەتەوەیی و ئیداری یێن گەلێ مە بكەت، هەروەسا پەنا برە بەر دانوستاندنێ بۆ چارەسەرکرنا كێشا کوردی ل عیراقێ.
ئەم وەكو پارتی دیموکراتی کوردستان، هەردەم تەكەزییێ ل سەر بنەمایێن سەرەکی و نە گۆهور دکەین، هەروەسا تەكەزییێ ل سەر دیتنێن راستەقینە یێن نەتەوەیی و نیشتمانی دکەین، تەكەزییێ ل سەر ڕێکخستنا ناڤمالا کوردستانێ دکەین.
