د. محەمەد شوکری: هەرێما کوردستانێ دێ مفایی ژ ئەزموونا قەتەرێ وەرگریت

سەرۆکێ دەستەیا وەبەرهێنانێ ل هەرێما کوردستانێ دبێژیت: پەیوەندییێن سەرۆکوەزیران مەسرور بارزانی و سەرەدانا وی بۆ وەلاتێن کەنداڤی پێنگاڤەکە بۆ هندێ” كو وەبەرهێنانا وان وەلاتان ل هەرێما کوردستانێ زێدە بیت و کەرتێ ئابۆری گەشە بکەت.

د. محەمەد شوکری، زێدەتر دیار كر: ئارمانجا سەرەدانا مەسرور بارزانی، سەرۆکوەزیرێن هەرێما کوردستانێ بۆ قەتەر بۆ مفا وەگرتنێیە ژ ئەزموون و شارەزایا برێڤەبرنا ئابۆری و بازرگانی و شیانێن وزەیا ئەوی وەلاتی” هەروەسا ئارمانجەكا دیتر یا سەرەدانا سەرۆکوەزیران ئەوە” وەبەرهێنانا قەتەری د کەرتێ ئابۆری، چاندنێ، گەشتوگوزار و وزەیێ بینیتە هەرێما کوردستانێ، چونکی قەتەر ژ ڕوویێ وەبەرهێنانێڤە وەلاتەكێ پێشکەفتییە و ل چەندین وەڵاتان وەبەرهێنانێ دکەن، ئەڤە دێ بیتە ئەگەرێ هندێ كو هەرێما کوردستانێ مفایی ژ پێشڤەبرنا کەرتێ ئابۆری وەربگریت.

ناڤهاتی گۆت ژی: وەلاتێن كەنداڤی ب گشتی ژ ڕوویێ ئابۆری و سیاسیڤە ل ڕۆژهەلاتا ناڤین گەلەك د گرنگن، هەروەسا هەڵکەفتەیا جوگرافییا ستراتیجی یا هەرێما کوردستانێ و پەیوەندییێن وێ ل گەل ئەوان وەلاتان وەكرییە كو کوردستان پێگەهـ و ستراتیجیەکا خۆ یا تایبەت ل ڤێ دەڤەرێ هەبیت، ئەڤە دێ بیتە ئەگەرێ هندێ ژ روویێ وەبەرهێنانێڤە مفایی ژ ئەزموونا وەلاتێن کەنداڤی وەربگرین” هەروەسا پەیوەندییێن مەسرور بارزانی، سەرۆکوەزیرێن هەرێما کوردستانێ ل گەل سەرکردێن سیاسی و ئابۆری یێن کەنداڤی، دێ بیتە ئەگەرێ هندێ كو ئابۆرێ هەرێما کوردستانێ د داهاتی دا سەقامگیر بیت و وەبەرهێنان ل هەرێما كوردستانێ زێدە ببیت” دیسا ڕێژا کۆمپانیێن وەلاتێن کەنداڤی ل هەرێما کوردستانێ ب تنێ سێ بۆ چار ژ سەدێیە، لەوما حکومەتا هەرێما کوردستانێ د داهاتی دا لبەرە سەرەدانا وەلاتێن کەنداڤی زێدە بکەت” داكو ئەوێ رێژێ د هەموو کەرتان دا بلند بكەت.