ڤێ حەفتییێ کۆمبوونەكا دیتر دەربارەیی هنارتنا نەفتێ دێ هێتە كرن

ڤێ حەفتییێ کۆمبوونەكا دیتر دەربارەیی هنارتنا نەفتا هەرێما کوردستانێ دێ هێتە كرن، جێگرێ سەرۆکێ لژنا نەفتێ ل پەرلەمانێ عێراقێ دیار كر: عێراقێ دڤێت کۆنتڕۆلا هەموو نەفتا هەرێمێ بکەت، ئەڤە ژی ناهێتە كرن.

د.سەباح سوبحی، جێگرێ سەرۆکێ لژنا نەفت و غازێ ل پەرلەمانێ عێراقێ گۆت ژی، “چەندین کۆمبوون دناڤبەرا وەزارەتا نەفتا فیدرالی و سامانێن سروشتی هاتینە كرن، بەلێ وەسا دیارە وەزارەتا نەفتا عێراقێ دیار كرییە، دەستهەلاتا دانوستاندنان نینە، وەزارەتا نەفتا عێراقێ ڕاشکاوانە دبێژیت” مە دەستهەلاتا پێدانا گەرەنتی و زێدەکرنا پارەیێ تێچوونا دەرخستنا نەفتێ نینە” ژبەر هندێ نابیت ب ڤی شێوەیی ئەو یاسا بهێتە بجهئینان.