ب هەلكەفتا هاتنا جەژنا قیامە یا كریستیانان، سەرۆك بارزانی پەیامەكا پیرۆزباهییێ بەلاڤكرو ئەڤە دەقێ وێیە:
بناڤێ خودایێ بەخشندە و میهرەبان
ب هەلكەفتا هاتنا جەژنا قیامە یا حەزرەتێ مەسیح (سلاڤێن خودێ لێ بن)، گەرمترین پیرۆزباهییێن خۆ ئاراستەیی خوشك و برایێن كریستیان ل كوردستانێ و عێراقێ و هەموو جیهانێ دكەم.
ب ڤێ هەلكەفتێ تەكەزییێ ل سەر فەرهەنگا پێكڤەژیانێ و برایەتی و تەڤاهییی دناڤبەرا هەموو پێكهاتێن ئایینی و نەتەوێن كوردستانێ دكەینەڤە. پێكڤەژیان و لێبورین شانازییەكا مەزنا گەلێ كوردستانێیە و دڤێت بهێتە پاراستن و بهێتە دەولەمەندتر كرن” هیڤیدارم خوشك و برایێن كریستیان و هەموو پێكهاتێن ئایینی و نەتەوەیی یێن دیتر هەلكەفت و جەژنێن خۆ د ئاشتی و خۆشییێ دا بكەن.
جەژنا هەوە پیرۆز بیت و هیڤییا شادی و بەختەوەرییێ بۆ هەوە دخوازم
