ئهڤرۆ چارشهمبی 2025/5/7 ێ” نێچيرڤان بارزانى، سهرۆكێ ههرێما كوردستانێ، د ديدارەكێ دا ل گهل باليۆز ماهر ئهلكهرهكى، كونسولێ گشتيیێ نوو یێ فهلهستينێ ل ههرێما كوردستانێ، زێدەباری پيرۆزباهییێ بۆ دهستبكاربوونا وی، ههموو پشتەڤانییا لايهنێن پهيوهنديدار بۆ سهرخستنا ئهركێ وی نيشان دا، ههروهسا خواستا ههرێما كوردستانا بۆ پێشڤەبرنا پتر یا پهيوهندييان ل گهل فهلهستينێ دوپاتكر.
هەروەسا ئهلكهرهكى، خۆشحالییا خۆ بۆ دهستبكاربوون وهكو كونسولێ گشتيیێ وەلاتێ خۆ ل ههرێما كوردستانێ دهربڕى، ههروهسا گۆت” فهلهستين ب گرنگڤە بەرێخۆ ددەتە پهيوهندييێن خۆ ل گهل ههرێما كوردستانێ و خواستا وەلاتێ خۆ بۆ بهێزكرنا زێدەتر یا پهيوهندييان د ههموو بیاڤان دا ل گهل ههرێما كوردستانێ دوپاتكر.
دووماهی پێشهاتێن دەڤەرێ و رەوشا غهزه، تهوهرەكێ دیتر یێ وێ ديدارێ بوو، تێدا تەكەزی ل سەر پاراستنا مافێن گهلێ فهلهستينێ و چارهسهركرنا ئاشتييانه یا كێشان و ئارامى و سهقامگيرییێ هاتە كرن.
