ئهڤرۆ چارشهمبی 2025/5/7 نێچيرڤان بارزانى، سهرۆكێ ههرێما كوردستانێ، پێشوازی ل حسێن بن عهلى ئهلفهزاله، كونسولێ گشتيیێ قهتهرێ ل ههرێما كوردستانێ كر.
د وێ دیدارێدا ئهلفهزاله، بانگهێشتنامهكا محهمهد بن عهبدولڕهحمان ئال سانى، سهرۆكوهزيرێن قهتهرێ بۆ پشكداريكرن د كارێن كۆڕبهندێ دهوحه دا، گههانده سهرۆك نێچيرڤان بارزانى كو بڕياره ل ديسهمبهرا بهێت، ب چاڤدێريىا شێخ تهميم بن حهمهد ئال سانى، ميرێ قهتهر بهێتە گێران.
سهرۆكێ ههرێما كوردستانێ زێدەبارى سوپاس و پێزانين بۆ وێ بانگهێشتێ، ئامادهيا خۆ نيشان دا كو پشكدارییێ د وی كۆڕبهندیدا بكەت، ههروهسا تەكەزی ل سەر خواستا ههرێما كوردستانێ بۆ پێشڤەبرنا پهيوهندييان و بەرفرەهكرنا هاريكاريیا هەڤپشك ل گهڵ قهتهرێ كر.
كونسولێ گشتيیێ قهتهر دوپاتیكر كو سهركرداتیی وەلاتێ وی، ب گرنگڤە بەرێخۆ ددەتە پهيوهندييان ل گهل عێراقێ و ههرێما كوردستانێ و دخوازن د ههموو بیاڤاندا ئاستێ پهيوهندييان بهرهف پێشڤە ببهن” ههروەسا ههردو ئالییان رۆناهی خسته سهر دهرفهتێن كاری و وهبهرهێنانا قهتهرى ل عێراقێ و ههرێما كوردستانێ.
