مەسرور بارزانی سەرۆكێ حكومەتا هەرێما كوردستانێ پەیامەك بەلاڤكر و تێدا دیاركر، ب هەلكەڤتا 63 سالییا دامەزراندنا ئێكەتییا مامۆستایێن كوردستانێ، پیرۆزباهییێ ل سەرۆك و ئەندامێن مەكتەبا سكرتارییەتێ و هەموو مامۆستایێن كوردستانێ دكەت و سەركەڤتنێ بۆ وان دخوازیت.
سەرۆكوەزیران د پەیاما خۆ دا ئاشكراكر، خەبات و بەرخۆدانا ئێكەتییا مامۆستایێن كوردستانێ و داكۆكیكرنا وان ل ماف و داخوازییێن مامۆستایێن كوردستانێ بلند د نرخینن و پێزانینێن مەزن بۆ مامۆستایێن كوردستانێ هەنە، كو ڕۆلەكێ گرنگ د پەروەردەكرن و فێركرنا نەڤییێن واندا دگێرن.
هەروەسا ئاماژە ب هندێ دا، هیڤییا وی ئەوە مامۆستایێن كوردستانێ ل سەر بنەمایەكێ باش و پەروەردەیەكا دروست و هزرا نیشتیمانپەروەری و حەز ژێكرنا كوردستانێ، نڤشەكێ داهێنەر و زانستخواز و ژنگەهـ دوست پێبگەهینن، بۆ هندێ ڕۆلەكێ كارا د پێشخستن و بەرەڤ پێشبرنا كوردستانێدا هەبیت.
