بالیۆزێ توركیا سوپاسییا سەرۆك بارزانی بۆ ڕۆلێ وی دپرۆسەیا ئاشتییێ دا كر

سەرۆك بارزانی ل پیرمام پێشوازی ل ئانیل بۆرا ئینان بالیۆزێ توركیا ل عیراقێ و شاندێ دگەلدا كر.
د دیدارا واندا كو ئیرمان تۆپچو كونسۆلێ گشتییێ توركیا ل هەولێرێ تێدا ئامادەبوو، دانوستاندن ل دۆر پێشهات و ڕەوشا سیاسییا دەڤەرێ و پەیوەندییێن دناڤبەرا هەردوو حكومەتێن هەرێمێ و عیراقێدا هاتنە كرن.
د هەمان دیداردا بەحسا پرۆسەیا چارەسەرییا ئاشتییێ ل توركیا هاتە كرن، بالیۆزێ توركیا سوپاسییا سەرۆك بارزانی كر كو ب درێژاهییا سالێن بووری ڕوولەكێ گرنگ د پشتەڤانیكرنا پرۆسەیا چارەسەرییا ئاشتییێ ل توركیا هەبوو.