مەسرور بارزانی، سەرۆکێ حکومەتا هەرێما کوردستانێ ب هەلكەفتا ساڵیادا 20 ێ یا دامەزراندنا دەزگەهێ خێرخوازییێ بارزانی، زێدەباری پیرۆزباهییێ ل سەرۆک و ئەندامێن دەستەیا کارگێڕی و هەموو کارمەندێن وی دەزگەهی، هیڤیدارە دەزگەهێ خێرخوازییێ بارزانی هەردەم نموونەكا گەش یا کارێ مرۆڤی و خێرخوازی بیت.
د بیستەمین ساڵیادا دامەزراندنا دەزگەهێ خێرخوازییێ بارزانی دا، گەرمترین پیرۆزباهییان ئاراستەیی سەرۆک و ئەندامێن دەستەیا کارگێڕی و هەموو کارمەندێن دەزگەهێ خێرخوازییێ بارزانی دکەم و هیڤییا بەردەوامبوونێ و سەرکەفتنێ بۆ دخوازم” هەروەسا دەستخۆشییێ لێ دکەم بۆ ماندیبوون و کارکرنا وان یا بەردەوام” ژ پێخەمەت هاریكارییا خەلکی هەژار و لێقەومایی.
دەزگەهێ خێرخوازییێ بارزانی ، خودان پێگەهەكێ دیار و سەنگینە د کارێ بەخشین و خێرخوازیدا و بێی چ جوداهیەكێ، خزمەتەكا شایستە و بەرچاڤ پێشکێشی خەلكێ هەژار و کێمدەرامەت و لێقەومییان دكەت نەکو ب تنێ ل کوردستانێ بەڵکو ل دەڤەرێن دیتر یێن عێراق و وەلاتێن دەروبەر و جیهانێ ژی.
هەروەسا من رێز و پێزانینەكا زۆر بۆ هەموو خێرخواز و بەخشەر و هەموو ئەو لایەن و ئاژانس و ڕێکخراو و دەزگەهێن خێرخوازی هەیە، یێن كو هاریکاری و هەماهەنگییێ ل گەل دەزگەهێ خێرخوازییێ بارزانی دکەن و کارو چالاکی و پڕۆژێن هەڤپشك ئەنجام ددەن و سالیادا دامەزراندنا دەزگەهێ خێرخوازییێ بارزانی پیرۆز بیت و هیڤدارام هەردەم نموونەكا گەش یا کارێ مرۆڤی و خێرخوازی بیت.
مەسرور بارزانی: دەزگەهێ خێرخوازییێ بارزانی خودان پێگەهەكێ دیار و سەنگینە د کارێ بەخشین و خێرخوازی دا
