مەکتەبا سیاسيیا پارتی دیموکراتی کوردستان ل دۆر ڕوودانێن 22ـێ تهباخا 2025 ل سلێمانییێ پهیامهك بهلاڤكر و دیاركر، هەرێما کوردستانێ قەوارەیەکێ دەستووری و بەرهەمێ تێکۆشان و قوربانیدانا چەندین سالایه و خودانا سازییێن شەرعی و قانوونییە، پێدڤییه ئاریشه ب ڕێیێن دیالۆگ و لێكتێگههشتنێ بهێنه چارهسهركرن.
ڕاگههاند ژی، ههر كارڤهدانهكا كارتێكرنەكا خراب ل سهر ئارامی و پێكڤهژیانێ ل ههرێما كوردستانێ ههبیت، ب باشی نزانن.
مەکتەبا سیاسيیا پارتی دووپاتی ل سەروەرییا قانوونی و پاراستنا ئارامییێ ل باژێرێ سلێمانییێ ب تایبەتی و هەرێمێ ب گشتی كر و داخوازكر، ههر ئالۆزی و هێرشهكا میدیایی یا كو خزمهتا ههرێمێ نهكهت، پێدڤییه بهێته ڕاگرتن.
دەقێ ڕاگەهاندنێ:
ئەنجام و ڕوودانێن بەری سپێدەهییا 22ی تەباخا 2025ێ ل باژێرێ سلێمانییێ، ب مخابینڤە چەند قۆربانییەك دان، بوونە ئەگەرێ دلگرانییا خەلكێ سلێمانییێ و تماما هەرێما كوردستانێ.
هەرێما كوردستانێ قەوارەیەكێ دەستووری و بەرهەمێ تێكۆشان و قۆربانیدانا چەندین سالێن گەنجێن گەلێ كوردستانێیە و خۆدان دامەزراوەیا شەرعی و قانوونییە، دووپاتییێ ل سەروەرییا قانوونێ و پاراستنا ئارامی و سەقامگێرییا باژێرێ عەزیزێ سلێمانییێ ب تایبەتی و هەرێما مە ب گشتی دكەین.
پێدڤییە چارەسەركرنا جۆداهی و ئاریشەیان ب ڕێیا دیالۆگ و لێكتێگەهشتنێ بیت، هەر كار و كارڤەدانەكا كارتێكرنەكا خراب ل سەر سەقامگێری و پێكڤەژیان و ناڤۆدەنگییا هەرێما كوردستانێ هەبیت، ب باشی نابینین.
ل دلگرانییا خەلكی دگەهین، ژ پێخەمەت هەرێما مە و ئارامییا دەروونێ وەلاتییێن هێژا، داخوازاێ ژ هەموو لایەكی دكەین ل سەر خۆبن و سەروەرییا قانوونێ و دامەزراوەیان ب پارێزن، هەر جۆرە گرژی و هێرشەكا میدیایی یا خزمەتا هەرێما كوردستانێ نەكەت، دڤێت بهێتە ڕاگرتن.
هەڤدەم سەرەخۆشییێ ل مالبات و كەسوكارێن هەموو قۆربانییان دكەین و هەڤخەمێن واینە، هیڤییا زوو ساخبوونێ بۆ برینداران دخوازین.
مەكتەبا سیاسییا
پارتی دیموكراتی كوردستان
25ی تەباخا 2025ێ
