سەرۆکێ دەستەیا وەبەرھێنانێ ل ھەرێما کوردستانێ دبێژیت: نوكە بەرهەڤی دهێنە كرن بۆ هندێ” كو کۆڕبەندەكێ ئابۆری دناڤبەرا ھەرێما کوردستانێ و وەلاتێ مسرێ دا بهێتە گێران، هەروەسا مە ڤێت وەبەرھێنەرێن مسرێ مفایی ژ دەلیڤێن وبەرھێنانێ ل ھەرێما کوردستانێ وەربگرن.
د. محەمەد شوکری، سەرۆکێ دەستەیا وەبەرھێنانێ ل ھەرێما کوردستانێ” زێدەتر بۆ ئاژانسا خانی دیار كر: ب مەرەما ڕاکێشانا وەبەرھێنەرێن بیانی بۆ ھەرێما کوردستانێ و پەیداكرنا دەلیڤێن وبەرھێنانێ د ھەموو سێکتەراندا، بەرهەڤی بۆ ئەنجامدانا کۆڕبەندەكێ ئابۆری و وەبەرھێنانێ دناڤبەرا ھەرێما کوردستانێ و وەلاتێ میسرێ دهێتە کرن، بۆ ڤێ مەرەمێ ژی مە وەكو حكومەتا هەرێما كوردستانێ ھەماھەنگییەکا باش ل گەل کۆنسۆلخانا وەلاتێ مسرێ ھەیە.
ناڤهاتی ئەو ژی ئاشكرا كر: مە دڤێت ب رێیا ڤی کۆڕبەندی دەلیڤێن وەبەرھێنانێ و ئەو ئارامیا ل ھەرێما کوردستانێ هەیی” نیشا وەبەرھێنەر و سەرمایەدار و کۆمپانیێن مسری بدەین، لەوما د ڤی کۆڕبەندی دا وەبەرھێنەر و بازرگان و کۆمپانیێن مسری و ناڤخۆیی یێن ھەرێما کوردستانێ دێ پشكدار دەبن، بڕیارە ئەو کۆڕبەندە ل 15/11/2025 ێ” بهێتە ئەنجامدان و هەر نوكە بەرهەڤییێن باش بۆ وی كۆربەندی هاتینە كرن و مە دڤێت ئاستێ بازرگانی دناڤبەرا ھەرێما کوردستانی و و وەلاتێ مسرێ دا بلند لێ بكەین.
