شاخەوان عەبدوللا: ب قانوونێ دێ بەرگرییێ ژ کوردستانیبوونا کەرکووکێ کەین

کاندیدەكێ پارتی ل کەرکووکێ بۆ پەرلەمانێ عێراقێ گۆت: هێشتا شەڕ ل بەغدا یێ مایی، رەوش زۆر ژ جاران دژوارترە، هندەک حزب دوهی د لیستا تیرۆرێ یا ئەمریکا دابوون، بەلێ ئەڤڕۆ کاندید بۆ پەرلەمانێ عێراقێ هەنە.

ئەڤرۆ شەمبییێ کەرنەڤالێ بانگەشا پارتی دیموکراتی کوردستان ل کەرکووکێ برێڤە چوو و تێدا شاخەوان عەبدوللا، کاندیدێ پارتی ل کەرکووکێ بۆ پەرلەمانێ عێراقێ، دەمێ پێشکێشکرنا گۆتارەكێ، سۆز دا قوتابییێ ڕاستەقینەیێ ڕێبازا بارزانی بیت ل بەغدا.

گۆت ژی: هێشتا شەڕ ل بەغدا یێ مایی، رەوش زۆر ژ جاران دژوارترە، هندەک حزب دوهی د لیستا تیرۆرا ئەمریکا دابوون، بەلێ ئەڤڕۆ وان کاندید بۆ پەرلەمانێ عێراقێ هەنە، ئەو خەلكێ شۆفینی یێن كو درۆن بۆ سەر هەرێما کوردستانێ د هنارتن، نوكە وان دڤێت بچنە پەرلەمانی.

ئەو ژی ئاشكرا كر: ب قانوونێ ل پەرلەمانێ دێ بەرگرییێ ژ کوردستانیبوونا کەرکووکێ کەین.