سەرۆکێ دەستەیا وەبەرهێنانێ: ڤەژاندنەكا بەرچاڤ د كەرتێ وەبەرهێنانێ دا ب دەستڤە هاتییە

محەمەد شوکری، سەرۆکێ دەستەیا وەبەرهێنانێ ل حکومەتا هەرێما کوردستانێ دیار كر: مەسرور بارزانی، سەرۆکوەزیرێن هەرێمێ، ل دەستپێكا دەستبکاربوونا وی ل کابینا نەهێ یا حکومەتا هەرێما کوردستانێ، د چەند کۆمبوونێن تایبەت یێن فراکسیۆنی پارتی یا دناڤا حکومەتێ دا، هەردەم گۆتییە: هەر دەمێ وە بزاڤكرن كو خزمەتێ بكەن، پێشتر هەرن خزمەتا سلێمانییێ بکەن” ئەڤە بریارێن وی بوون بۆ وەزیرێن پارتی یێن كو د تیمێ وێ کابینێ دا، بۆ خزمەتکرنا وەلاتیان” هەروەسا ئەوان رێكاران دەرئەنجامێن باش هەبوون” سەرۆکوەزیران هزر ل هندێ دكر بنەمایێ کیانەكێ ب هێز بۆ کوردستانێ ئاڤا بكەت” ژ كارێن وی یێن پێشینە ژی دروستکرنا ژێرخانا ئابۆری، رێك و پر، کارەبا 24 دەمژمێری و دروستکرنا هژمارا بانکی بۆ وەلاتیان بوو.

هەروەسا سیاسەتا سەرۆکوەزیران و حکومەتا هەرێما کوردستانێ گەلەك یا رۆهن بوو” كو کەرتێ تایبەت ببیتە شەریکەكێ ڕاستەقینە د ئیدارەکرنا هەرێما کوردستانێ دا، د قووناغێن بوری و نوكو د داهاتی دا” ئەڤ ڕاستییە ئەنجامان دسەلمینن” د کابینا نەهێ یا حکومەتێ دا، 596 پڕۆژە هاتینە تەمامکرن و 740 پڕۆژێ نوو یێن وەبەرهێنانێ مۆڵەتیان پێ هاتینە دان، نێزیکی 50%ی یا سەرجەمێ گشتییێ وان پڕۆژێن مۆلەت پێ هاتینەدان دناڤبەرا سالێن 2006 هەتا 2019 دابوون.

گۆت ژی: ئەڤ ژمارە وێ چەندێ دیاردكەن” كو سەرۆکوەزیران، حکومەتا هەرێمێ، دامودەزگەهێن حکومەتێ و دەستەیا وەبەرهێنانێ ڤیایە كو ب دروستی کەرتێ تایبەت ببیتە شەریکەكێ ب کریار د ئیدارەکرنا ئابۆرێ هەرێما کوردستانێ د” پشكداریکرنا کەرتێ تایبەت د ڤی ئاستیدا، ب رێیا ژمارا زۆر یا پڕۆژەکان ل هەموو دەڤەرێن کوردستانێ، بارێ حکومەتا هەرێما کوردستانێ دناڤا ڤان هەموو قەیراناندا سڤک کر” ژبەر هندێ بودجەیێ وەبەرهێنانێ کێم بوو، ب تایبەتی پشتی بڕینا بودجەیی ژ لایێ عێراقێە، پشت ب داهاتێ ناڤخۆ هاتبوو گرێدان” داهاتێ ناڤخۆ ژی ژ ئەگەرێ قەیرانان، داكەفتنا بهایێ نەفتێ و دو سالان ژی پەژیكا كۆرۆنایێ کێم ببوو” بەلێ سیاسەتا حکومەتێ ب ئاراستا ڤەدیتنا شەریکەكێ دروست (کو کەرتێ تایبەتە)، بوویە ئەگەرێ هندێ كو پڕۆژێن ئاڤەدانییێ ل هەرێما کوردستانێ بەرچاڤ بن و د هەموو کەرتان دا پێشکەفتنێن باش ب دەستڤە بینن” هەر چەندە كۆمەكا تەحەدییاتێن گەلەك مەزن هەبوون” ل سەر ئیدارەکرن و برێڤەبرنێ، بڕینا بودجەیی بوو” چونکی دەمێ بودجەیێ پێدڤی لبەردەستێ تە نەبیت، تو نەشێی کارێ زێدەتر بکەیی” بەلێ سەرۆکوەزیران مەسرور بارزانی هەردەم بزاڤكرینە” ب بودجەكێ سنووردار، خزمەتا زێدەتر یا وەلاتییێن هەرێمێ بكەت.