<h2>مەسرور بارزانی سەرۆكێ حكومەتا هەرێما كوردستانێ پێشوازی ل جۆرجیۆس ئەلەمانۆس بالیۆزێ یونان ل عیراقێ كر، كو ناڤبری ب مەرەما ب دووماهی هاتنا ئەركێ خۆ و خاتر خواستنێ سەرەدانا سەرۆكێ حكومەتا هەرێمێ كر.</h2> <h2> د دیدارا واندا كو نیكۆلۆس ستێرگیۆلاس كونسۆلێ گشتییێ یونان ل هەرێما كوردستانێ تێدا یێ پشكداربوو، سەرۆكێ حكومەتێ زێدەباری ئاماژەدان ب پەیوەندییێن مێژووی و دوستانە یێن دناڤبەرا هەردوو لایاندا، سوپاسییا بالیۆزی كر بۆ كاركرنێ ژ پێخەمەت ل ب هێزكرن و گەشەپێدانا پەیوەندییێن دوولایانە د بیاڤێن جۆدا دا.</h2> <h2> بالیۆزێ یونانێ پەسنا كاروانێ ئاڤەدانییێ و پێشكەڤتنا هەرێما كوردستانێ كر، پیرۆزباهی و دەستخۆشی ل سەرۆكێ حكومەتێ كرن بۆ پرۆژە و چاكسازییان د كەرتێن جۆدا دا، حەزا وەلاتێ خۆ بۆ گەشەپێدانا زێدەتر یا پەیوەندییان دگەل هەرێما كوردستانێ دەربری.</h2>
