<h2>رێڤەبەرییا هەوالگێرییا سەربازییا عێراقێ دەستەسەركرنا 60 هزار حەبێن هۆشبەر ژ جۆرێ (کاپتاگۆن) ل بیابانا ئەنبار راگەهاند، کو قەچاخچییان دڤیا ب رێیا بالۆنەکێ دەرباز بکەن.</h2> <h2> عەقید حەیدەر محەمەداوی، رێڤەبەرێ راگەهاندنا هەوالگێریا سەربازییا عێراقێ، راگەهاند: "د ئۆپەراسیۆنەکێ دا، مەفرەزەیێن رێڤەبەرییا هەوالگرییا سەربازی ل پشکا هەوالگێری و ئاسایشا فرقەیا پێنج یا پیادە، ب پشتبەستن ب پێزانینێن هوور و بزاڤێن مەیدانی یێن بەردەوام، شیان دەست ب سەر 60 هزار حەبێن هۆشبەر ژ جۆرێ (کاپتاگۆن) دا بگرن."</h2> <h2> راگەهاندنا هەوالگێریێ گۆت: "ئەڤ بڕە ماددەیە هاتبوو ئامادەکرن بۆ قاچاخچێتیێ ب رێیا بالۆنەکێ کو ئامیرێ (GPS) پێڤە بوو ل بیابانا ئەنبار، بەلێ بەری بگەهیتە جهێ مەرەمێ، ئەو بزاڤە هاتە ژناڤبرن."</h2> <h2> ئەو بالۆنە ب شێوەکێ دهاتە ئاراستەکرن کو ل جهەکێ دیارکری دادەت، داکو بەربەستێن پاسەوانێن سنووری دەرباز بکەت.</h2> <h2>لدووڤ ئامارێن وەزارەتا ناڤخۆ یا عێراقێ، ب تنێ پار، ئەو شیانە 1201 تورێن بازرگانیا ماددەیێن هۆشبەر ژێک بەلاڤ بکەن، کو 1030 ژ وان تۆرێن ناڤخۆیی بوون و 171 تورێن نێڤدەولەتی بوون، هەروەسا دەست ب سەر 14 تۆن و 20 کیلۆگرام ماددەیێن هۆشبەر دا هاتینە گرتن.</h2>
