ژ ئەنجامێ بۆردومانا فرۆکەیێن سوپایێ تورکیا بۆ سەر ترۆمبیلەکا پەکەکێ؛ سێ وەلاتیێن گوندێ (گری) ل سنورێ ناوچەدارییا چەمانکێ برینداربوون.
ئێڤارییا ئەڤرۆ ھەینی ٢٢-١-٢٠٢١ فرۆکەیێن تورکیا بۆردومانا ترۆمبێلەکا گەریلایێن پەکەکێ ل سنورێ ناوچەدارییا چەمانکێ کر و زیان گەھشتنە خانیێن وەلاتییان و سێ وەلاتیێن سڤیل ژی بریندار بووینە.
(ئەلند ئەمیر) رێڤەبەرێ ناوچەدارییا چەمانکێ بۆ خانی نیوز دیار کر، ترۆمبێلەکا پەکەکێ ل نێزیک گوندێ گری یێ سەر ب ناوچەدارییا وان ڤە راوەستیا بوو و بوویە ئارمانجا فرۆکەیێن تورکیا.
ناڤھاتی گۆت: ژ ئەنجامێ ڤێ بۆردومانێ ژى زیان گەھشتینە خانیێن وەلاتییان ل گوندێ (گری) و ھەروەسا سێ وەلاتی ژی ب سڤکی برینداربووینە.
ل دووڤ زانیاریێن خانی نیوز، دێ بریندار بۆ نه‌خۆشخانا ته‌نگاڤییان ل دهۆكێ هێنه ڤه‌گوهاستن.
خانی نیوز، مەحموود نھێلی
