ههلكهفتا 56 سالييا دامهزراندنا ئێكهتييا نڤيسهرێن كورد ب گهرمى ل مهلبەندێ گشتى، ههموو نڤيسهر و ڕهوشهنبيرێن كوردستانێ ل ناڤخۆ و دهرڤه پيرۆز دكهم، هيڤييا بهردهوامى، داهێنان و سهركهڤتنێن پتر بۆ وان دخوازم.
د ڤێ ڕۆژێدا، ب ڕێز و پێزانينهكا مهزنڤه ل دیرۆك و خزمهتا زێدهتر ژ نیڤ سهدهيا ئێكهتييا نڤيسهرێن كورد د نێرين، ئەو د ههموو قۆناغێن جودا يێن تێكۆشانێدا، ب پێنڤيس و هزرا خۆ، سهنگهرهكێ بهێز یێ پاراستنا زمان، وێژه و ناسنامهيا نهتهوهيى و نيشتمانييا گهلێ كوردستانێ بوون و ڕۆلهكێ كارا د هشياركرنا جڤاكیدا ههبوویه.
نڤيسهر ههموو دهمان پیشهنگێن چهسپاندنا بهايێن مرۆڤايهتى و كوركرنا كهلتوورێ لێبۆرینێ، پێكڤهژيانێ و ئێك و دوو قهبوولكرنێ بوون، ئهڤرۆ ژى چاڤێ مه ل ڕۆلێ كاريگهر و بهرپرسانە یێ نڤيسهرانه داكو ب بهرههمێن خۆ یێن جوان، ببنە هێڤێنێ تهڤاهی، ئێكڕيزى و پاراستنا دهستكهڤتێن ديمۆكراتى و دهستوورييێن ههرێما كوردستانێ.
سهرێ ڕێز و نهوازشێ بۆ گيانێ پاكێ نڤيسهرێن شههيد و ههموو ئەو نڤيسهرێن كۆچكرى دچهمينين یێن تهمهنێ خۆ ژ پێخهمهت خزمهتا پهيڤا كوردى و ئازاديیێ بهخشى، ڕۆژا وان ههموو دهمان ب خێر بيت.
