پشتی کوشتنا محەمەد پاکپوور، فەرماندێ گشتییێ بەری یێ سوپایێ پاسداران، ئەحمەد وەحیدی وەک فەرماندێ نوو یێ گشتییێ سوپایێ پاسداران هاتە دەستنیشانکرن و ئەرکێ کۆنترۆلکرنا رەوشا ئەمنی یا وەلاتی ب وی هاتە سپارتن.
ئەڤرۆ ئێکشەمبی، 1ێ ئادارا 2026ێ، ئەحمەد وەحیدی وەک فەرماندێ گشتییێ سوپایێ پاسداران دەست ب کار بوو، ئەڤ بڕیارە پشتی تێکچوونا رەوشا ئەمنی یا ناڤخۆیا ئیرانێ و کوشتنا رێبەرێ بلندێ وی وەلاتی و سەرکردەیێن سەربازی هات.
ئەحمەد وەحیدی ل سالا 1958ێ ل باژێرێ شیراز ژ دایک بوویە. د ژییەكێ گەنج و ل گەل سەرکەفتنا شۆرەشا ئیسلامیا ئیرانێ ل سالا 1979ێ، چوویە دناڤ رێزێن سوپایێ پاسداران دا و ژبەر شارەزاییا وی د دارشتنا ستراتیژییێن سەربازی دا، ب لەز پلەیێن سەربازی وەرگرتینە.
