بەرهەمێ کۆمپانیا نەفتا بەسرە رۆژانە دو ملیۆن بەرمیلێن نەفتێ کێم بووینە

کۆمپانیا نەفتا بەسرە یا سەر ب وەزارەتا نەفتا عێراقێ ڤە دبێژیت، نوکە ئاستێ بەرهەمهێنانا نەفتێ ل کێلگەهێن پارێزگەهێ دا ب تێکڕا ملیۆنەک و 300 هزار بەرمیلن د ڕۆژەکێ دا.

کازم عەبدولحەسەن کەریم، هاریكارێ ڕێڤەبەرێ گشتییێ وێ کۆمپانیێ بۆ کاروبارێن کێلگەهـ و مۆلەتان، بۆ میدیایا فەرمی یا عێراقى ڕاگەهاند:

“بەندەرێن نەفتی ل بەسرە، ژ وان ژی ئوم قەسر و بەندەرێ نەفتی یێ بەسرە، ب شێوەکێ ئاسایی کار دکەن، تێکڕایێ هنارتنێ یێ گرێدایە ب هەبوونا کەشتیان ڤە، د دەمەکێ دا نوکە ئاستێ بەرهەمهێنانێ لدووڤ ڕێنمایێن وەزارەتا نەفتا فیدرالی ملیۆنەک و 300 هزار بەرمیلن.
ئەڤە د دەمەکێ دایە کو بەری پێشهاتێن سەربازی یێن کەنداڤی، ئاستێ بەرهەمهێنانێ سێ ملیۆن و 300 هزار بەرمیل بوون د ڕۆژەکێ دا.”