<h2>ڕێڤەبەرێ ڕاگەهاندنا وەزارەتا بەرگرییا عێراقێ ڕاگەهاند، ب بریارا فەرماندەییا گشتی یا هێزێن چەکدار، بڕیارا خەرجکرنا پارێ ڕێزلێنانێ بۆ شەهید و بریندارێن هێزێن ئەمنی یێن عێراقێ، هێزێن پێشمەرگەیی و یێن ئەمنی یێن هەرێما کوردستانێ ژی ڤەدگریت.</h2> <h2> تەحسین خەفاجی، ڕێڤەبەرێ ڕاگەهاندنا وەزارەتا بەرگرییا عێراقێ دیار كر: ل دووڤ وێ بڕیارێ، هەر بریندارەکێ پێشمەرگەیی یێ کو د ئالۆزیێن ئەڤان دووماهییان دا بریندار بوویی، کوژمێ پێنج ملیۆن دیناران وەک ڕێزلێنان دێ پێ هێنە دان، هەروەسا بۆ کەسوکارێن هەر شەهیدەکێ ژی کوژمێ 10 ملیۆن دیناران هاتینە تەرخانکرن."</h2> <h2> دەربارەی مەرجێن خەرجکرنا وی پارەیی، خەفاجی ئاشكرا کر: دڤێت ناڤێن وان شەهید و برینداران ژ لایێ وەزارەتا پێشمەرگەیی یا حکومەتا هەرێما کوردستانێ ڤە بهێنە پشتڕاستکرن، ئەوێن کو د ئالۆزیێن ئەڤان دیوماهییان دا شەهید یان بریندار بووین.</h2>
