هاکان فیدان وەزیرێ دەرڤە یێ تورکیا ڕاگەهاند، ل دویڤ هەلسەنگاندنێن وەڵاتێن کەنداڤی، پێشبینی دهێتە کرن شەڕێ ئەمریکا و ئیسرائیلێ ل دژی ئیرانێ دوو بۆ سێ حەفتیێن دی بەردەوام بیت.
وەزیرێ دەرڤە یێ تورکیا زێدەتر گۆت: ل وەڵاتێن کەنداڤی، هندەک هەڵسەنگاندن دهێنەکرن دبیت ئەڤ شەڕە دوو بۆ سێ حەفتیێن دی بەردەوام بیت. یا ل ڤێرێ بڕیارێ ل سەر دووماهی ئینانا ڤی شەڕی ددەت، هەڵویستێ ئەمریکا یە.
فیدان دیار كر، ئیسرائیلێ دڤێت رێگریێ ل هەر ئاگرپەستەکێ یان گەهشتن ب ئاشتیێ د دەمەکێ کورت دا بکەت. هەروەسا ئیسرائیل ئاشتیێ ناڤێت، و وەسا دیارە کو ئەو دێ بەردەوام بن هەتا کو هەمی ئارمانجێن خۆ یێن لەشكەری و پێشەسازی ب دەستڤە دئینن.
