نێچیرڤان بارزانی، سەرۆكێ هەرێما كوردستانێ پەیامەك ل دۆر جەژنا ئەكیتۆ بەلاڤكر و تێدا دیاركر، دەربرینێ ژ كووراتییا مێژوویێ و شارستانییەتا ئێك ژ پێكهاتەیێن ڕەسەن و دێرینێن وەلاتی دكەت، بلا ئەڤ جەژنە ببیتە ژێدەرێ ئارامی و بێهنفرەهییێ بۆ هەموو لایان.
دەقێ پەیاما سەرۆكێ هەرێما كوردستانێ:
ب هەلكەڤتا سەرێ سالا نوو یا بابلی – ئاشووری ( 6776 ) و جەژنێن ئەكیتۆ، گەرمترین پیرۆزباهییان ئاراستەیی خویشك و برایێن كلدان، ئاشووری و سریانی ل هەرێما كوردستانێ و عیراقێ و تماما جیهانێ دكەم، هیڤییا جەژن و بێهنڤەدانەكا شاد و ئارام بۆ دخوازم.
جەژنا ئەكیتۆ كو دەربرینێ ژ كووراتییا مێژوو و شارستانییەتا ئێك ژ پێكهاتەیێن ڕەسەن و دێرین یێن وەلاتێ مە دكەت، هەردەم دەرفەتەكە بۆ دووپاتكرنا پابەندییا مە یا هەردەمی ب پاراستنا یەكسانی، ماف و ئازادییان.
هەرێما كوردستانێ وەكو هەردەم دێ ب نیشتیمانی فرە ڕەنگی و لاندكا پێكڤەژیانا ئاشتیانە و لێبوورینێ بۆ هەموو پێكهاتەیێن ئاشتی و نەتەوەییی مینیت.
د دەمەكیدا ژبەر ڕەوشا شەڕێ دەڤەرێ، ڕێورەسم ب ڕێڤەناچن، هیڤیدارم ئەڤ جەژنە ببیتە ژێدەرێ ئارامی، بێهنفرەهی و مۆكۆمكرنا زێدەتر یا تەبایی و ژیانا هەڤپشك دناڤبەرا هەموو پێكهاتەیاندا.
جەژنا ئەكیتۆ ل هەموویان پیرۆزبیت، هەموو سال ب خۆشی بن.
