مەسرور بارزانی سەرۆكوەزیرێن هەرێما كوردستانێ پەیامەك ل دۆر وان هێرشان بەلاڤكر یێن ل سەر دەڤەرێن سڤیل و كونسۆلخانەیا ئەمریكا ل هەولێرێ دهێنەكرن و ڕاگەهاند، ناهێنە قەبوولكرن.
مەسرور بارزانی ئاشكراكر، ئەو ب توندی ئیدانەیا وێ هێرشا درندانە یا میلیشیایێن تیرۆرستی دكەت كو كونسۆلخانەیا گشتییا ئەمریكا و دەڤەرا مەدەنییان ل هەولێرێ كرینە ئارمانج، ئەڤ دەست درێژییە ب ئەنقەستە و گەفەكا جددی و مەترسیدارە بۆ سەر ئاسایش و سەقامگێرییا هەرێما كوردستانێ، عیراقێ و دەڤەرێ، ئەڤ كارە ناهێتە قەبوولكرن.
ئاشكرا ژی كر، ئەو ب ئاشكرایی داخوازێ ژ حكومەتا فیدرال دكەت، پێنگاڤێن بلەز و ئێكلاكەر و ب كریار دژی ئەڤان گرووپێن چەكدار و میلیشیایێن ژ قانوونێ دەركەڤتین پاڤێژیت.
ئاماژە ب هندێ ژی دا، ئەركێ حكومەتا فیدرالە هەموو ئەگەر و شیانان بكاربینیت بۆ ڕێگرتنێ ژ ڤان هێرشێن تیرۆرستی و ڕاكێشانا بەرپرسێن ئەڤان هێرشان بۆ دادگەهێ
