نێچيرڤان بارزانى، سەرۆكێ هەرێما كوردستانێ، پەیامەكا پيرۆزباهيیێ ئاراستەیى مار پۆلسى سێيێ نۆنا كر، ب هەلكەفتا هەلبژارتنا وى وەك پاترياركێ نوو يێ كەنیسا كلدانى ل جيهانێ.
دەقێ پەیاما پيرۆزباهيیێ يا سەرۆكێ هەرێمێ:
ب هەلكەفتا هەلبژارتنا وى وەك پاترياركێ نوو يێ كەنیسا كلدانى ل جيهانێ، گەرمترين پيرۆزباهييان ل جەنابێ پاتريارك مار پۆلسى سێيێ نۆنا دكەم، هيڤيا سەركەفتنێ بۆ دخوازم د ڤى ئەركێ پيرۆز دا و د خزمەتكرنا كەنیسە و پهيڕهوكارێن كهنيسا كلدانى دا.
جەنابێ وان كەسایەتييەكا ئايينى يا نياسيار و خودان ئەزموونەكا دەوڵەمەندە، هيڤيدارين هەلبژارتنا وان ببیتە ئەگەرێ خێرێ و كویركرنا زێدەتر يا گيانێ لێبۆرینێ و پێكڤەژيان و ئێكدوقەبوولكرنێ د ناڤبەرا هەموو پێكهاتان دا.
دوپاتدكەين كو هەرێما كوردستانێ وەك هەر دەم دێ وەك لاندكا پاراستى يا هەموو پێكهاتەیێن ئايينى و نەتەوەيى مينيت، دێ پشتەڤانێن تەمام يێن وەلاتييێن مە يێن مهسيحى بین د پاراستنا ماف، ناسنامە و دیرۆكا وان يا ڕەسەن ل ههرێما كوردستانێ و عێراقێ.
