د. سامان بەرزنجی، وەزیرێ ساخلەمییێ یێ حکومەتا هەرێما کوردستانێ، د کۆنگرەکێ رۆژنامەڤانی دا راگەهاند، کۆمبوونەکا گرنگ د ئاستێ نێڤدەولەتی دا ئەنجامداینە ب مەرەما هەماهەنگی و پێشخستنا کەرتێ ساخلەمییێ ل هەرێما کوردستانێ.
ئەڤرۆ چارشەمبی، 22ی نیسانا 2026، سامان بەرزنجی وەزیرێ ساخلەمییێ یێ حکومەتا هەرێما کوردستانێ راگەهاند، کۆمبوونەکا گرنگ ل سەر ئاستێ نێڤدەولەتی بۆ پالپشتیکرنا کەرتێ ساخلەمییێ یێ هەرێمێ ل گەل چەندین رێکخراوێن ناڤخۆیی و دەرەکی ئەنجامداینە، ئاماژە ب وێ یەکێ ژی کر کو د وێ کۆمبوونێ دا 56 رێکخراو ئامادە ببوون، کو پێکدهێن ژ: 40 رێکخراوێن نێڤدەولەتی، 6 ئاژانسێن سەر ب نەتەوەیێن ئێکگرتی 10رێکخراوێن ناڤخۆیی.
هەروەسا گۆت، ئارمانجا سەرەکی یا کۆمبوونێ دارشتنا پلانەکا تەکنیکی بوو، دا کو رێکخراو لدووڤ بسپۆریێن خۆ د وارێن دەرمان، نۆشداری، راهێنان و نووژەنکرنا بنگەهێن ساخلەمییێ دا هاریکار بن.