خانی نیوز: سالار دۆسكی:
ئه‌ندامه‌كێ لژنا دارایی ل جڤاتا نوونه‌رێن ئیراقێ ژ فراكسیۆنا ئێكگرتوویا ئیسلامی یا كوردستانێ ئاشكراكر: بژارده‌كا دی هاتیه پێش بۆ مووچێن فه‌رمانبه‌رێن هه‌رێما كوردستانێ، پێشبینی دهێته كرن هه‌ر دو حكومه‌تێن به‌غدا و هه‌ولێرێ ل سه‌ر وێ بژاردێ ئێك ده‌نگ بن.
جـه‌مال كۆچه‌ر، ئه‌ندامێ لژنا دارایی ل په‌رله‌مانێ عیراقێ بۆ خانی نیۆز گۆت: پشتی په‌سه‌ندكرنا بودجێ 2021 یێ ئیراقێ بژارده‌كا نوو هاتیه پێش و دێ بۆ ئالیێن سیاسی و هه‌ردو حكومه‌تێن به‌غدا و هه‌رێمێ شرۆڤه‌كه‌ن، هه‌كه نه‌گه‌هشتن چ رێكه‌فتنان، بژاردا دویێ ژی حكومه‌تا هه‌رێما كوردستانێ قه‌بوول نه‌كر راسته‌وخۆ مووچه ژ به‌غدا بهێن، براژدا سیێ ئه‌وه مووچێن هه‌رێما كوردستانێ به‌غدا بده‌ت به‌لێ ل هه‌رێما كوردستانێ، ئانكو ل بانكێن به‌غدا ل پارێزگه‌هێن هه‌رێما كوردستانێ وه‌ربگریت و ئه‌ڤه ژی دێ ل ژێر كونترۆلا حكومه‌تا هه‌رێما كوردستانێ بیت و ب تنێ دێ چیته سه‌ر هژمارا هه‌ر تاكه كه‌سه‌كی و ئه‌ف بژارده د به‌رژوه‌ندا فه‌رمانبه‌ران دایه و بۆ هه‌ردو حكومه‌تان ژی باشتره.
ناڤهاتى گۆت ژی: هه‌موو بزاڤێن وان وه‌كو ئه‌ندامێن په‌رله‌مانی ئه‌وه هه‌ردو حكومه‌تێن هه‌رێما كوردستانێ و به‌غدا بگه‌هن رێككه‌فتنێ و هه‌كه نه‌گه‌هشتنه رێككه‌فتنێ، دڤێت بژارده‌كا دی هه‌بیت و ئه‌و ژی دێ ئه‌ڤه بیت یا مه ل سه‌ر دیاركری.
