خانی نیوز، مەحمود نهێلی:
پشتی بۆ ده‌مێ ده‌هـ رۆژان سێ وەلاتێن ناحیا دێرەلۆکێ قەستا گەلیێ رشاڤە کرین و بێ سەروشوون بووین، دوهى تەرمێن وان ل گوندێ زێوە یێ سەر ب دەڤەرا نێروە ل قەزا ئامێدیێ هاتنە دیتن.
رزگار سدقی، سکێرتێرێ جڤاتا پارێزگەها دهۆکێ و د هەمان دەم دا کەس و كارێن وان وەلاتیانە بۆ خانی نیوز دیار کر، ئەو سێ وه‌لاتی ژ ئەنجامێ بۆمبه‌بارانا فرۆکێن تورکیا ل گوندێ زێوە شه‌هید بووینه و شڤێدى جەنازێن وان گه‌هاندنه ناحیا دێرەلۆكێ.
ناڤهاتى گۆت ژى: ئەو سێ وەلاتی د ژیێ د ناڤبەرا 50-60 سالیێ دانە و دو ژ وانا خەلکێ سەنتەرێ ناحیا دێرەلۆکێ نە و ئێک ژى ئاکنجیێ کۆمەلگەها تەناهیێ یە، هه‌رسێیان بۆ مەرەما مێشێن هنگڤینی سەرەدانا گوندێن خوە کربوون.
