ترەمپ بۆ ئیرانێ: یورانیۆمێ خۆ ڕادەست بكەن یان هوین بخۆ ژ ناڤ ببەن

سەرۆکێ ئەمریکا مەرجێ سەرەکێ وڵاتێ خۆ بۆ گەهشتن ب هەر جۆرە ڕێککەفتنەکا دووماهییێ دگەل تەهرانێ ئاشکراکر، ئەو ژی ژناڤبرنا تماما یۆرانیۆما پیتاندی یا ئیرانێ یە، دبێژیت ژی: دڤێت ئەڤ پرۆسەیە ل ژێر چاڤدێرییا نێڤدەولەتی بیت.
دۆناڵد ترەمپ د پۆستەکیدا ل سەر ئەكاونتێ “تروس سۆشیاڵ” ڕاگەهاند، دڤێت چارەنڤیسێ یۆرانیۆما پیتاندی، کو وی ب “تۆزا ئەتۆمی” ناڤ کرییە، ب ئێك ژ ڤان هەردوو ڕێیان بهێتە ئێکلاکرن، یۆرانیۆما پیتاندی دڤێت یان ڕادەستی وەلاتێن ئێكگرتی بهێتە کرن داکو ببەن و ژناڤ ببەن، یانژی ل جهێ خۆ یان ل جهەکێ دی یێ پەسندکری بهێتە ژناڤبرن.
سەرۆکێ ئەمریکا ڕاگەهاند، ئەڤ پرۆسەیە دڤێت ل ژێر چاڤدێرییا ئاژانسا نێڤدەولەتییا ووزەیا ئەتۆمی یان هەر دامەزراوەیەکا وەکو وێ بیت، داکو وەكو شاهدەك ئامادەی پرۆسەیا ژناڤبرنا ماددەیێن ئەتۆمی بن.