<h3>ل چەند ڕۆژێن بهێن ب شێوەیەكێ فەرمی ل پارێزگەها دهۆكێ دێ دەست ب دروینا گەنمی هێتە كرن، ڕێڤەبەرییا چاندنێ دیاردكەت، كوالیتییا گەنمێ ئەڤسالە گەلەك یا باشە. ئەحمەد جەمیل ڕێڤەبەرێ گشتییێ چاندنێ ل دهۆكێ بۆ ئاژانسا خانی ئاشكراكر، ئەوان ل دەڤەرێن هەڤسنوور دگەل نەینەوا دەست ب دروینا گەنمی كریە، هەتا پێنج ڕۆژێن دی، دێ ل سنوورێ پارێزگەها دهۆكێ ب گشتی دەست ب دروینێ هێتە كرن. ئاماژە ب هندێ ژی دا، 903 هزار دونەمێن ئەردی گەنم لێ هاتییە چاندن و كوالیتی دێ گەلەك یا باش بیت، ئەو پێشبینی دكەن 500 بۆ 600 هزار تەنان بهێنە بەرهەمئینان. سەبارەت وەرگرتنا ڕێژەیا گەنمی ژلایێ عیراقێڤە ئاشكراكر، هەتا نوكە بۆ ئەوان نەهاتییە دیاركرن كا دێ چەند گەنم هێتە وەرگرتن و ڕادەستی بەغدا هێتەكرن.</h3>
