ئەڤرۆ سێشەمبی 9 خزیرانا 2026ێ، ل پیرمام سەرۆک مەسعود بارزانی پێشوازی ل (یان برێم) کۆنسلێ فڕەنسا ل هەولێرێ کر.
د وێ دیدارێ دا، کۆنسلێ فڕەنسا خۆشحالیا خۆ ب دیتنا سەرۆک بارزانی دیار کر و تەكەزی ل سەر بەردەوامیا وێ پەیوەندیا گرنگ و دیرۆكی کر د ناڤبەرا هەرێما کوردستانێ و فڕەنسا دا، و سوپاسیا ڕۆلێ بەرچاڤێ سەرۆک بارزانی کر د وان پشتەڤانیان دا یێن هەین د ئاڤاکرن و گرنگیدان ب پێشڤەچوون و بەردەوامیا وێ پەیوەندیا دناڤبەرا هەردو لایان دا.
سەرۆک بارزانی بخێرهاتنا کۆنسلێ فڕەنسا کر و ئاماژە ب هندێ کر کو فڕەنسا ڕۆلەکێ بەرچاڤ د دیرۆكا بزاڤا ڕزگاریخوازیا گەلێ کوردستانێ دا هەبوویە، ڕۆلێ فڕەنسا د هەموو قووناغێن دیرۆكی یێن گەلێ کوردستانێ دا ب گرنگ وەسف کر و ڕاگەهاند کو ئەم شانازیێ ب وان پەیوەندیان دکەین.
