ئه‌ڤرۆ نیوز:
فیدراسیۆنا ته‌پا پێ یا جیهانى سێ بەربژارێن دوماهییێ یێن خەلاتێ باشترینێن 2020 راگەهاندن، دێ ل رۆژا 17 ڤێ هه‌یڤێ باشترینێن جیهانى هێنه دەستنیشان كرن.
ل سەر ئاستێ یاریزانان، هەر ئێك ژ رۆبیرت لیڤاندۆڤسکی و لیۆنێل مێسی و کریستیانۆ رۆناڵدۆ بەربژارێن دووماهییێ نه بۆ ب دەستڤه‌ئینانا خەلاتێ زە بێست، ل سەر ئاستێ گۆلپارێزان ژى هەر ئێك ژ یان ئۆبلاک و ئەلیسۆن بێکەر و مانوێل نۆیەر سێ بەربژارێن دوماهییێ نه بۆ ب دەستڤه‌ئینانا وى خەلاتى.
ل سەر ئاستێ راهێنەران ژى هەر ئێك ژ یۆرگن کلۆپ و هانس فلێک و ماورسیلۆ بێلسا بەربژارن بۆ ب دەستئینانا خەلاتێ باشترین راهێنەرێن جیهانى، ئەڤ ساله فیفایێ بڕیار دایه به‌رۆڤاژى فرانس فوتبۆل خەلاتێ زە بێست به‌لاڤ بکه‌ت، د ده‌مه‌كى دا ژ ئه‌گه‌رێ کۆرۆنایێ خەلاتێ بالۆن دۆر ناهێته به‌لاڤ كرن.
هه‌ر چه‌نده رۆنالدۆى ریال مه‌درید بجهـ هێلایه، لێ نوكه د بلندترین ئاست دایه ل گه‌ل یانا یوڤێنتۆس، پێگه‌هێ تراسنفێر ماركێت هژماره‌كا وى یاریزانى ل گه‌ل یانا ریال مه‌درید به‌لاڤكریه، كو هه‌تا نوكه چ یاریزان نه‌شیاینه تۆمار بكه‌ن.
پێگه‌هێ ترانسفێر ماركێت یێ تایبه‌ت ب ڤه‌گۆهاستن و بهایێ یاریزانان و ژمارێن پیڤانه‌یى، د راپۆرته‌كێ دا به‌حس كریه كو رۆنالدۆ ئێكه‌م یاریزانێ سه‌دێ 21 یه شیایه د كێمترین یاری دا 100 گۆلان تۆمار بكه‌ت، وى پێگه‌هى ناڤێ وان 10 یاریزانان به‌لاڤه كریه، كو د كێمترین یاری دا شیاینه 100 گۆلان ل گه‌ل یانێن خوه تۆمار بكه‌ن، رۆنالدۆیێ 35 سالى نوكه ل گه‌ل یانا یۆڤێنتۆس یاریێ دكه‌ت و د 99 یاریان دا شیایه 77 گۆلان دا تۆمار بكه‌ت، به‌لێ پێشتر ل گه‌ل ریال مه‌درید ب 105 یاریان 100 گۆل تۆمار كرینه و ل پلا ئیكێ یا وێ لیستێ دا دهێت.
لیستا وان 10 یاریزانێن كو شیاینه ب كێمترین یاری 100 گۆلان تۆمار بكه‌ن.
. رۆنالدۆ ( ریال مه‌درید ) 100 گۆل د 105 یاریان دا
. لویس سوارێز (بارسێلۆنا ) 100 گۆل د 120 یاریان دا
. زلاتان ئیبراهیمۆڤیچ ( پاریس سانجێرمان ) 100 گۆل د 124 یاریان دا
. رود ڤان نسته‌رۆی ( مانچسته‌ر یونایتد ) 100 گۆل د 131 یاریان دا
. ئیدینسۆن كاڤانی ( ناپۆلی ) 100 گۆل د 135 یاریان دا
. رۆبێرت لیڤاندۆڤسكی ( بایرن موینشن ) 100 گۆل د 136 یاریان دا
. كیلیان مباپێ (پاریس سانجێرمان ) 100 گۆل د 137 یاریان دا
. كریستیان ڤێری (ئینته‌ر میلان ) 100 گۆل د 138 یاریان دا
. چیرۆ ئیمۆبیلی ( لازیۆ ) 100 گۆل د 147 یاریان دا
. ساموێل ئیتۆ ( بارسێلۆنا ) 100 گۆل د 154 یاریان دا
