<h2>د جیهانا سیاسەتێدا مەزنترین سەركەڤتنا هەر سەركردەیەكی ئەوە ل دەمێ ئالۆزیێن مەزندا وەلاتێ خۆ ژ شەڕێن وێرانكەر ب پارێزیت، بۆ گەلێ كورد ژی سەرۆك بارزانی ئەو سەركردهیێ مەزنە یێ كو چەترا حەكیمانەیا جەنابێ وی و خەباتا وی یا دوور و درێژ هەردەم بوویە هێڤێنێ ئاشتییێ بۆ هەر چار پارچێن كوردستانێ، گەلێ كورد دگەل هاتنا هەر گرژیەكێ زێدەتر پێدڤی ب حیكمەتێن سەرۆك بارزانی هەیە، سەرۆك بارزانی ب سیاسەتەكا حەكیمانە و دیبلۆماسیەتەكا نەرم و پابەندبوونا جەنابێ وی ب ئەرك و قورسایێن سیاسی و شوڕەشگێری و دەستڤەئینانا ئازادییێ و ژیانێ بۆ گەلێ كورد و ڕۆلێ جەنابێ وان د گەرەنتیكرنا سەقامگێری و ئاڤەدانی و خوشگوزەرانییێدا بۆ هەموو پێكهاتێن كوردستانێ وەكرییە هەلویستێن وی ژ سنورێن پارتایەتی دەربكەڤن و پانتاییا نەتەوەیی و نیشتیمانی وەرگرتیە، وەكو لێڤەگەرێ كوردان د درێژاهییا دیرۆكێ د قوناغ و ویستگەهێن دیرۆكا بەرخۆدان و شوڕەشێن ڕزگاریخوازا كوردستانێدا ڕۆل و پێگەهەكێ كاریگەر هەبوویە، هەلگرێ دوزا نەتەوەیی بوویە ل سەر ئاستێ كوردستانا مەزن، ل هەر پشكهكا كوردستانێ دەرفەت هەبیت بۆ سەركەڤتنا كوردان بارزانی پشتەڤان بوویە، ب ڕێبەراتییا سەرۆك بارزانی گەلێ كورد شیایە شۆرەشێن نەتەوەیی و ڕزگاری بەرپابكەن و پارێزگارییێ ژ دەستكەڤتێن خۆیێن نەتەوەیی و نیشتیمانی بكەن هەتا زۆربەی جاران ژ ئەگەرێ پاراستنا بەرژەوەندییا گشتی وەكو سەرۆكێ پارتی دیموكراتی كوردستان باجا پارتی دایە، ئەڤەژی ئێك ژ خاسلەتێن تایبەتمەندە ل دەڤ جەنابێ سەرۆكى و ئەڤ خاسلەتە و چەندین هەلویست و خاسلەتێن دیتر وەكرییە بارزانی ڕابەرەكێ مەزن بیت، ئەوێن ل ڤی خاسلەتی دگەهن دزانن ئەوا بارزانی خەباتێ بۆ دكەت گەهشتە ب مافێ سەربەخۆیێ و گشت مافێن گەلێ كورد و پاراستنا قەوارەیێ دەستوورییێ هەرێما كوردستانێ، ب درێژاهییا دیرۆكێ ئەزموونا دیرۆكی و مەیدانییا سەرۆك بارزانی ڕۆلەكێ بەرچاڤ گێرایە د چارەسەركرنا ههموو قەیرانێن سیاسی، ب گیانێ لێبوورینێ كار بۆ پاراستنا ئێكرێزییا ناڤ مالا كوردی ژ پێخهمهت ئاڤاكرنا كۆمەلگەهەكا فرە ڕەنگ و ئاشتیخواز و بهێزكرنا پێكڤەژیانا ئاشتیانە و پاراستنا ئاسایش و سەقامگێری بوویە، لەوما جەماوەرێ دلسوزێ كوردستانێ ئەزموونەكا كویر و پر ژ باوەری و ئارمانجان دگەل جەنابێ سەرۆكی هەیە و ڤیان و وەفادارییەكا زۆر بۆ سەرۆكی هەیە، سەرۆك جهێ سەربەرزی و شانازییێ یە بۆ هەر كوردپەروەرەكی، ژبەركو ئەو سەرۆكە یێ كو هەموو تەمەنێ خۆ دگەل ئێش و ئازارێن مللەتێ خۆ ژیایە و وەكو پێشمەرگە بەرگری ژ دۆزا ڕەوایا مللەتێ كورد كرییە ڕێیەكا پری سەرئەڤرازی و سەرنشێڤی برییە هەتا كو كاروانێ خەباتا گەلێ مە گەهشتیە قوناغا ئەڤرۆ، سەرۆك بارزانی دگەل هەموو وان دلسوزێن باوەری ب دوزا كوردایەتییێ هەیە ل بەرامبەر هەر هێرشەكا ناحەزان بۆ سەر وەلاتێ مە ڕاوستیاینە و نەهێلایە چ ناحەزەك مەرەم و ئەجێندایا سیاسییا خۆ ب سەر ئیرادهیا سیاسییا ڕاستەقینەیا مللەتێ كورد ب سەپینیت بارزانی ئەو سەركردەیە هێز و شوكۆیا نەتەوەیی و پێشمەرگەیە، لەورا ئەڤرۆ كورد خودان پێگەهـ و سەنگەكێ ب هێزن لەورا خەلكێ كوردستانێ بەردەوام د خوازیت سەرۆكی ببینن ژبەركو ب دیتنا سەرۆكی هێزێ ژێ وەردگرن گروتینەكا زێدەتر ب خەلكی دهێتە بەخشین سەرۆك بارزانی ژی سەركردەیەكە دخوازیت بەردەوام نێزیكی خەلكی بیت هەرچەنده سەرۆك د تەمەنەكی دایە زێدەتر پێدڤی بێهنڤەدانێیە بەلێ بەردەوام د خەما مللەتی دایە و دناڤ ڕێورەسم و هەلكەفتێن خەلكی دایە ئەڤەژی بوویە جهێ دلخۆشیەكا مەزن بۆ خەلكێ كوردستانێ دەمێ دبینن سەرۆك وەكو سەركردەیەكێ نموونە ب خەباتەكا پری دەستكەڤت و شانازی ناڤێ وی بوویە دیرۆك ل سەر لاپەرێن دیرۆكێ سەرۆك نموونەكا دەگمەنە ژ كوردبوون و خەباتگیرییێ و ژ خەباتكرنێ بۆ گەل و وەلاتی، هەر ڕۆژەكا تەمەنێ سەرۆكی دەستكەڤت، دیرۆك و داستانەكە ژبەركو تەمەنەك هەیە پری شانازی و خەبات و تێكوشان، سەرۆك بارزانی دیرۆكهكه چ جار ناهێتە ژبیركرن كورد و كوردینی ب جەنابێ سەرۆكی جوانە.</h2> <h2>ژڤان عهلی</h2>
