<h1 style="text-align: center;">سەرۆك بارزانی پێشوازی ل شاندەكێ پەرلەمانێ كەنەدا كر</h1> <h1 style="text-align: center;">ئەڤرۆ دوشەمبی 22ی حوزەیرانا 2026ێ ل پیرمام، سەرۆك مەسعود بارزانی پێشوازی ل شاندهكێ گرووپێ دۆستایەتیا كەنەدی و كوردی یا پەرلەمانێ كەنەدا كر.</h1> <h1 style="text-align: center;">د دیدارێدا، شاندێ مێهڤان دووپاتی ل ڕەوایەتیا دۆزا گەلێ كوردستانێ كر و خۆشحالیا خۆ بۆ دیدارا دگەل سەرۆك بارزانی دیار كر، و پێزانینێن خۆ بۆ خەبات و قوربانیدانا گەلێ كوردستانێ و قارەمانییا پێشمەرگەیی د شەڕێ دژی تیرۆریستێن داعشدا نیشان دان، هەروەسا كورتەیەك ل دۆر كار و چالاكیێن گرووپێ دۆستایەتیا كەنەدی و كوردی د پەرلەمانێ كەنەدا دا و هەماهەنگیا وان دگەل فیدراسیۆنا ڕەوەندا كوردی و ڕۆلێ وێ فیدراسیۆنێ د پشتەڤانیا دۆزا گەلێ كوردستانێدا بەرچاڤكر.</h1> <h1 style="text-align: center;">هەر د وێ دیدارێدا، سەرۆك بارزانی سوپاسیا پشتەڤانی و هاریكاریێن گەل و حكومەتا كەنەدا كر كو د قۆناغێن جودا جودا دا و ب تایبەتی د شەڕێ دژی تیرۆریستێن داعشدا پالپشتێ گەلێ كوردستانێ و پێشمەرگەیی بووینە. سەرۆك بارزانی پشتەڤانیا خۆ ژی بۆ كویرتركرنا دۆستایەتی و پەیوەندیێن د ناڤبەرا گەلێ كوردستانێ و گەلێ كەنەدا دا دووپات كر.</h1>
