ئەى حوشتر

ئەى حوشتر
پەیڤه ك لدەف عەرەبان نيشانا كێماسيێ يه بۆ يێ بەرامبه ر، دەمێ كەسەكی ڤيابا ئێكى كێم بكەت دا بێژيتێ ( ايها البعير )، گەلەك ئارێشێن جڤاكی چێبووينه د ديرۆكا هوزێن عەرەبی دا سەرا ڤان جوره ئاخفتنان.
ئەڤ ساخلەته ئەڤێ هاتيیه گوتن ( ئەى حوشتر) ژ هه ژى هندێيه مرۆڤ لسەر راوەستيت، گرنگه بهێته شرۆڤەكرن ، كێ ئەڤ ساخلەتە گۆتيیه و ل چ جهـ هاتيیه گۆتن لدەف مه كوردان، ئەڤ گۆتنە لدەف كوردان نەهاتيه بكارئينان چونكى حوشتر يان حێشتر دناڤ وارێ كوردان دا نەژيايه، دبيت هاتبيتە بكارئينان وەك نيشانەك بۆ مرۆڤێ مەزن و تێ خورا، بەلێ ل ڤێ دويماهيێ مه ل هندەك هەلكەفتێن سياسى گوهلێبوويه وهاتيه گۆتن، ژلايێ كەسێن سياسى ڤه.
ئەڤە ئەو پەیڤە یا ژ لایێ سەرۆكێ حزبا دووێ ل هەرێما كوردستانێ بۆ چەندين جاره دهێته بكارئينان، ئەڤ كەسه دبيته كورێ سەركردەكێ مه زنێ كوردستانێ وعيراقێ و بۆ دو خولان سەرۆكێ عيراقێ بوو، ئەو ژی رەحمەتى مام (جەلال تالەبانى) یە.
هەكە دیرۆكا بابێ وی بەحس بكەين و سەرەدەريا وى دگەل رۆژنامه ڤانان پەيڤەكا ب ڤێ بێرێزییێ لدەف دەرنەكەفتيه بەرامبه ر رۆژنامەڤانان، بەلكو بەروڤاژى بەرسڤێن وى نه دبورين بێ نوكته و ئاخفتنێن خۆش، هەكە بەحسێ ديرۆكا ڤێ حزبێ بكەين بەرسڤێن خۆ بەرامبەر رۆژنامه ڤانان هەبووينه بێ ئاخفتنێت كرێت،
بەلێ ئەڤ رێبازه پشتى بافل تالەبانى بوويه سەرۆكێ ئێكه تيیێ هاتيیه لادان دگەل لادانا چەندين سەركردێن دێرین یێن ئێكەتییێ.
بەلێ دەم نە ئەو دەمه، رێباز نە ئەو رێبازه.
( ئەى حوشتر) ئەڤ ساخلەته لدەف مه وەك جڤاكێ كوردستانی ئێكە ژ ئاخفتنێن بێ حورمەت، چونكى د فەرهەنگا مەدا نينه، هەكە دناڤبەرا دو كەسان دا بهێته گۆتن، دبيت كێشه مەزن ببيت و شەر ونەخۆشى پەيدا ببن، بكارئينانا ڤێ ئاخفتنێ ژلايێ سەرۆكێ حزبەكێ بەرامبه ر رۆژنامه ڤانەكێ بێ ده ستهەلات دێ بۆريت بێ ئاريشه دناڤبەرا هه ردو كه سان دا، بەلێ ژلايێ جڤاكی و سياسى و رۆژنامەڤانى و هه لسەنگاندنا گۆتنا ڤێ ئاخفتنێ كارڤەدانه كا مەزن ب خۆڤه ئينایە.
چونكى ژ كەسەكی دەركەفتيه كو سەرۆك حزبه، بۆ ده مەكێ درێژ ل وەلاتێ بريتانيا ژيايه، ئەتەكێتێن سهرەدەریێ گەلەك ديتينه، خالا شەرمزارتر ئەته كێتێن گۆتنا پەيڤەكا وەك ( ئەی حوشتر) يا كرێت ل دەمێ رێورەسمێن پێشوازيا كەساتیەكێ مەزن وەك بەترياركێ كلدانى ل جيهانێ ( مار پولسێ سيێ نونا ) هاتيه گوتن، وەك ئێكەمين سەرەدان بۆ كوردستانێ و ب مخابنيڤه پێشوازى ل سليمانيێ لێ هاتەكرن ب گۆتنا په يڤێن كرێت و نه شرين ل دژى روژنامه ڤانان بەرامبەر جەنابێ وی.
لڤێرێ ديار دبيت كو بافل تالەبانى دووره ژ هەر عورفه كی، ب ئێش ڤه دبێژين مخابن مێهڤانێن مەزن و بهاگران ل باژێرێ رەوشەنبيری و رەوشەنبيران بڤى رەنگى دهێنه پێشوازيكرن، ئەڤه ژبلى وێ چه ندێ كو ئاخفتنا ( ئەى حوشتر) دژى ياسا 35 يا رۆژنامه ڤانيێ يه، كو دياردكه ت رۆژنامه ڤان سەرەدەريا فەرمانبه رى ل گەل دهێته كرن د ده مێ كارێ رۆژنامه ڤانيێ دا، رۆژنامه ڤانێ فەقير دشێت شكايتا خۆ توماربكه ت” ل دژى بافل تالەبانى لدووڤ ياسايێ كو من باوەره ئەو شكايت ب چ بهايەكى ناچيتە دادگەهێ.
ئەو كەسێ هەدارا پسياره كا رۆژنامه ڤانه كى نه بيت دێ چه وا هه دارا بارەكێ سياسى هه بيت كو ئه ڤه پتر ژ سال و نيڤایه پرۆسيسا سياسى ل هەرێما كوردستانێ پەكخستى .
ئەڤه نيشانن كو بافل تالەبانى يێ بەرەف دووماهى هنگافتنا خۆ يا سياسى دچيت، وه خت هات چاره سەريه ك هه بيت بۆ ڤێ عه قليه تا هشك وبێ رێز، چونكى كوردستان ب په رله مان و حكومه ت ڤه مولكێ چ حزبا نينه.
خۆشناف جەميل