نێچیرڤان بارزانی بۆ وهرگرتنا مەدالیا ڕێزلێنانێ سوپاسییا حكومەتا ئیتالیا كر
نێچیرڤان بارزانی، سەرۆکێ هەرێما کوردستانێ پێشوازی ل نیکۆلۆ فۆنتانا، بالیۆزێ ئیتالیا ل عیراقێ كر، ههردوو لایان دووپاتی ل پێشڤهبرنا زێدهتر یا پهیوهندییێن عیراق و ههرێما كوردستانێ دگهل گهلێ ئیتالیا كر.
د كۆمبوونا واندا، ڕهوشا ناڤخۆ یا ههرێما كوردستانێ، سهرهدانا حهفتییا بووری یا نێچیرڤان بارزانی بۆ ئیرانێ، دیدار و كۆمبوونێن ل تههرانێ، پێشهاتێن ڕهوشا دهڤهرێ و چهند بابهتێن دی هاتنه گوتۆبێژكرن.
سەرۆکێ هەرێما کوردستانێ سوپاسییا سەرۆککۆمار و حكومەت و گەلێ ئیتالیا بۆ وهرگرتنا مەدالیا ڕێزلێنانێ كر و ئەو پێنگاڤه ب نیشانهكا دۆستایەتییا ڕاستگۆیانە و گرنگیدانا زێدهتر یا پەیوەندییان بلند ههلسهنگاند.
