خانى نیوز:
سەرۆکوەزیرێن ئیراقێ، ل دوماهیا ڤێ حەفتیێ دێ سەرەدانا وه‌لاتێ تورکیا کەت و بابه‌تێن پەترۆلێ و بەرهنگاریا تیرۆرێ دێ مژارێن سەرەکی یێن وێ سەرەدانێ بن، بەری سەرەدانا کازمی، فوئاد حسێن، وەزیرێ ده‌رڤه یێ ئیراقێ دێ چیتە تورکیا و دێ رێککەفتنێ ل سەر وان بابەتان کەت یێن دێ گوتۆبێژ ل سەر هێنە کرن.
حەسەن جەنابی، بالیۆزێ ئیراقێ ل وه‌لاتێ تورکیا دیار كریه: ل پێنجشەمبیا بهێت دێ مسته‌فا كازمى سەرەدانا تورکیا کەت و د كڤانێ سەرەدانێ دا، دێ ل گەل رەجەب تەیب ئەردۆغانى، سەرۆککۆمارێ تورکیا کۆم بیت، هه‌روه‌سا ئه‌ڤه ئێکەم سەرەدانا كازمییه یه بۆ وه‌لاتێ تورکیا.
