وەزارەتا کار یا عێراقی بۆ خودانکاران: ل دەمێ گەرما زێدە دا کاری ب کرێکاران نەکەن
وەزارەتا کار و کاروباری جڤاکی یا عێراقێ، زنجیرەکا ڕێکاران بۆ پاراستنا کرێکاران ژ پێلێن گەرمێ ڕاگەهاند و داخواز ژ خودانکاران دکەت، د دەمێ بلندبوونا پلێن گەرمێ دا ل نیڤڕۆیان دا، کارکرن ل وان دەڤەرێن د ژێر تیشکا رۆژێ دا بهێتە راگرتن.
موشرق عەبدولخالق، ڕێڤەبەرێ گشتییێ ناڤەندا نیشتمانی بۆ ساخلەمی و سلامەتیا پیشەیی ڕاگەهاند، لدووڤ یاسایا کاری، خودانکار هاتییە پابەندکرن ب دابینکرنا هەموو پێدڤیێن سلامەتیا پیشەیی و بەرپرسیارە ژ هەر ڕوودان و برینداربوونەکێ ئەوا ب ئەگەرێ کاری تووشی کرێکاران دبیت.
