پڕۆسەیا وەرگرتنا گەنمێ جووتیاران ل پارێزگەها دهۆکێ ب دووماهی هات و 115 هزار تەنێن گەنمی هاتییە وەرگرتن، ئەڤ چەندە ههمبهری سالا بۆری زێدهبوویه.
نازم محەمەد، ڕێڤەبەرێ بازرگانییا دەخلۆدانی ل پارێزگەها دهۆکێ بۆ ئاژانسا خانی ڕاگەهاند، ئەڤسالە 115 هزار تەنێن گەنمێ جووتیارێن دهۆکێ هاتییە وەرگرتن، ئەڤە د دەمەکیدایە کو سالا بۆری 112 هزار تەن هاتبوونە وەرگرتن، ئانکو ڕێژەیا وەرگرتنا گەنمی ئەڤسالە زێدەبوویە.
ڕێڤەبەرێ بازرگانییا دەخلۆدانی ئاشکرا ژی کر،7 هزار و 298 ترۆمبێلێن گەنمی سهرهدانا هەر چار سایلۆیێن پارێزگەها دهۆکێ کربوون، ژ وێ ژمارێ851 ترۆمبێل ژبەر ڕێنمایان نەهاتە وەرگرتن و د نوکە دا دەست ب بەلاڤکرنا گەنمی ب سەر 13 کارگەهێن ئاری ل سنوورێ پارێزگەها دهۆكێ هاتییەکرن.
