ئەڤڕۆ دوشەمبی، 27ـی تیرمەها 2026، مەسرور بارزانی، سەرۆکێ حکومەتا هەرێما کوردستانێ، سەرپەرشتییا کۆمبوونەکا تایبەت ب چارەسەرکرنا کێشەیا کێمیا بەنزین و سووتەمەنییێ کر.
د کۆمبوونێ دا، سەرۆکێ حکومەتێ، وەزارەتا سامانێن سروشتی و لایەنێن پەیوەندیدار یێن حکومەتا هەرێما کوردستانێ راسپارد کو د زووترین دەم دا، چارەسەرییا ڤی بابەتی بکەن ب جۆرەکێ کو بەرژەوەندییا وەڵاتییێن هەرێما کوردستانێ لبەرچاڤ وەرگرتن.
د کۆمبوونێ دا ئەڤ بڕیارە هاتنە دان:
. نرخێ بەنزینا نۆرمال یا پشتەڤانیکری ژ لایێ حکوومەتێ ڤە، ب هەمان نرخێ نوکە دێ بەردەوام بیت و ل سەر ئەو بەنزینخانان هێتە بەلاڤکرن کو پابەندبن ب ڕێنماییێن وەزارەتا سامانێن سروشتی ب مەرەما کۆنترۆڵکرنا نرخ و جۆرێ بەنزینێ.
. پێداچوون دێ د بهایێ بەنزینا جۆرێ (سوپەر و محەسەن) دا هێتە کرن کو گونجایی بیت دگەل بازاڕێ هەرێمێ و رێگری ژی ل قازانجێ نەڕەوا هێتە کرن، هەروەسا ئاسانکاری ژی هێتە کرن بۆ ئینانا ئەو ماددێن کیمیایی یێن کو بۆ دروستکرنا ئەوان هەردو جۆرە بەنزینە بکار دهێن.
. داخوازێ ژ حکومەتا فیدرالی دکەین رێژا پێدڤی یا نەفتا خاڤ بۆ هەرێما کوردستانێ کو نوکە 50 هزار بەرمیلن، زێدە بکەت بۆ 126.7 هزار بەرمیلان ل دووڤ رێژا %12.67 یا ئاكنجییێن هەرێما کوردستانێ کو نوکە ژ لایێ حکومەتا فیدرالیڤە هاتییە دیارکرن.
. رێگری ل قۆرخکارییێ د بیاڤێ سوتەمەنییێ دا و ب تایبەتی د بەنزینێ دا بهێتە کرن.
